web counter
LEXO PA REKLAMA!

SHKARKO APP

App Store
Google Play

Klement Balili kërkon liri/ Kjo është kërkesa që i ka dërguar gjykatës

17 Shkurt 2021, 13:29, Kronika CNA

Klement Balili, i dënuar me 10 vite heqje lirie si pjesë e një grupi kriminal për trafikim të lëndëve narkotike mes Shqipërisë dhe Greqisë kërkon të dalë nga burgu.

Ai ka depozituar kërkesë në gjykatën e Elbasanit e cila ka juridiskion burgun e Peqinit ku pretendon se qëndrimi në qeli i rrezikon jetën për shkak të kushteve të rënduara shëndetësore.

Prokuroria e Elbasanit, palë në këtë proces ka shprehur qëndrimin kundër, duke e lënë vlerësimin e kërkesës në çmim të gjykatës.

Ndërsa gjykata ka kërkuar një ekspertizë mjeko-ligjore për të vërtetuar nëse qëndrojnë apo jo pretendimet e Balilit.

Klement Balili është një emër jo pak i njohur për shqiptarët, i cili u dënua tetorin e vitit të shkuar ndërsa 10 vite burg i kanë mbetur në fuqi dhe nga gjykata e Apelit. Pak javë më parë, Gjykata kundër Korrupsionit dhe Krimit të Organizuar vendosi konfiskimin e pasurive të tij, ku 40% e tyre do ‘i kalojnë në pronësi të shtetit. Mes pasurive të sekuestruara ishte edhe “Santa Quaranta”, resorti në qytetin e Sarandës, biznese dhe 16 apartamente nga 42.5 m2 deri në 91 m2.

Mediat greke në 2016 pohuan se një sasi prej 700 kilogramë Cannabis Sativa që u sekuestrua asokohe në vendin helen i përkiste Kelment Balilit. Hetimi ndaj Balilit në Greqi, është bërë nga ?DEA? amerikane dhe policia greke. Në këtë hetim, DEA amerikane e policia greke, janë asistuar edhe nga policia shqiptare./CNA.al





Lajmet e fundit nga