E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse kaq shumë punonjës të shëndetësisë po e refuzojnë vaksinën anti-Covid?

16 Shkurt 2021, 09:16, Blog CNA

Nga Ross Clark ?The Spectator?

Të shtunën qeveria britanike e arriti objektivin e saj për t?i injektuar dozën e parë të vaksinës 15 milion njerëzve, që kategorizohen në grupet me rrezik më të lartë nga koronavirusi i Covid 19.

Pra deri më tani, të gjithë qytetarëve mbi moshën 70 vjeç, të gjithë punonjësve të e kujdesit shëndetësor dhe grupeve në nevojë, duhet t?u jetë ofruar vaksina. Kjo është një arritje mbresëlënëse, e cila qëndron në kontrast të plotë me shumë nga gjërat e tjera që shkuan shumë keq gjatë vitit të kaluar.
Por në fakt, është vërejtur edhe një problem serioz. Ndërsa 90 pë rqind e pjesëtarëve të kategorive më të rrezikuara të publikut të gjerë janë paraqitur për të marrë vaksinën e tyre (97 për qind në moshën mbi 80 vjeç), e njëjta gjë është e vërtetë për vetëm 80 për qind të punonjësve të kujdesiblogt shëndetësor.
Madje, në disa vende shkalla e vaksinimit të punonjësve të kujdesit shëndetësor është edhe më e ulët. Një studim nga Universiteti i Leiçesteriti mbi 19.000 punonjës të punësuar në shërbimin shëndetësor kombëtar, NHS, zbuloi se vetëm 64.5 për qind e tyre kishin marrë dozën e vaksinës anti-Covid.

Shkalla e vaksinimit, ishte veçanërisht e ulët midis punëtorëve me origjinë nga Azia Jugore (58.5 për qind) dhe atyre zezakë (36.8 për qind). Refuzimi për t?u vaksinuar lidhej sidomos me stafin e ri në moshë, kryesisht femra, me të ardhura të ulëta, dhe jo të bardha.

Ndërsa studimi i Universitetit të Leiçester analizon shifrat, ai nuk shqyrton në fakt arsyet se përse nuk po vaksinohen kaq shumë punonjës të kujdesit shëndetësor. Dhe kjo përtej deklarimit se kishte një vaksinimit të ulët midis punonjësve të kujdesit shëndetësor, të cilët kishin rezultuar më parë pozitiv me Covid -19.

Kjo sugjeron se disa punonjës,mund të mendojnë se vaksinimi është i panevojshëm, duke qenë se ata mund të kenë tashmë antitrupa. Por kjo nuk mjafton për të shpjeguar shkallët e ulëta të vaksinimeve në mesin e kësaj kategorie. Në fakt, studiuesit zbuluan se punonjësit e kujdesit shëndetësor,që nuk ishin testuar kurrë për Covid-19, kishin më shumë gjasa që ta refuzonin vaksinën. Disa nga punonjëset më të reja mund të jenë shtatzëna, dhe në fakt për këtë kategori vaksinat anti-Covid nuk rekomandohen.

Por as kjo nuk mjafton për të shpjeguar nivelin e ulët të vaksinimit tek kjo kategori e rrezikuar nga Covid-19. A janë refuzuesit e vaksinave midis punonjësve të kujdesit shëndetësor thjesht shumë të zënë për të lënë takimin e tyre për të marrë vaksinat?

A e konsiderojnë veten anëtarët më të rinj të stafeve spitalore si më pak të rrezikuar personalisht, dhe prandaj mendojnë se do të ishte një akt egoist vaksinimi përpara njerëzve që janë më të rrezikuar?

Apo disa prej tyre mendojnë se vaksinat nuk janë efektive apo të sigurta? Në fakt nuk kemi asnjë shenjë mbi këtë të fundit. Por është e rëndësishme të kuptohet arsyeja, pasi ajo ndikon shumë në suksesin e pjesës tjetër të programit të vaksinimit. Spitalet dhe shtëpitë e kujdesit, kanë qenë veçanërisht të rëndësishme për përhapjen e Covid-19. Që nga fillimi i programit të vaksinimit, në disa lagje ka pasur një frikë se fushatat e kundërshtarëve të vaksinave,do t?i bindnin njerëzit që të refuzonin vaksinën anti-Covid.

Shkalla e lartë e marrjes së vaksinës nga popullata në përgjithësi tregon që këto frikëra janë kryesisht të pabazuara. Megjithatë, kjo shkallë është shumë më e ulët në mesin e vetë grupit nga i cili ju prisni të jetë në pozitën më të mirë për të kuptuar kërcënimin që vjen nga Covid-19. Kjo gjë tregon më së paku se bota është një vend i komplikuar./Përshtatur nga CNA.al

Burimi: https://www.spectator.co.uk/article/why-are-so-many-health-workers-turning-down-the-vaccine-