E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Vdekja tragjike e Vladimir Komarov, astronauti që u rrëzua nga hapësira

15 Shkurt 2021, 09:07, Blog CNA

Në jetën e tij, Vladimir Komarov ishte një kozmonaut sovjetik i jashtëzakonshëm. Por ai do të kujtohet më shumë për mënyrën sesi vdiq, si ?njeriu që ra nga hapësira?. Në vitin 1967, në prag të 50 vjetorit të Revolucionit Bolshevik, Komarov u caktua për një mision historik hapësinor.

Por ky rezultoi fatal për të. Edhe pse Komarov ishte i stërvitur mirë, misioni ?Soyuz 1?, që ai drejtoi, u organizua mes shumë nxitimesh. Më vonë pati shumë zëra se anija kozmike kishte ?qindra? probleme strukturore përpara se të ngrihej- dhe se të paktën disa zyrtarë të lartë sovjetikë, i injoruan qëllimisht paralajmërimet e inxhinierëve.

Ndërsa nuk ka dyshim që anija kozmike e Komarov kishte probleme, shkaqet e ngjarjes që çuan në vdekjen e tij ishin të mbuluara me mister. Kjo pjesërisht për shkak të të fshehtësisë së Bashkimit Sovjetik. Ajo që dimë është se Komarov kreu disa rrotullime rreth Tokës, dhe u përpoq të rikthehej në atmosferë para se të mbaronte energjia, por përfundoi duke u rrëzuar në tokë, dhe humbur jetën në një shpërthim të tmerrshëm.

I lindur në Moskë më 16 mars 1927, Komarov tregoi që i ri një pasion të madh për aviacionin. Ai iu bashkua forcës ajrore sovjetike kur ishte vetëm 15 vjeç. Nga viti 1949, ai ishte një pilot. Atë kohë ai u njoh dhe takoi gruan e tij, Valentina Keljeljova. Në një rast deklaroi:?Kushdo që ka fluturuar një herë, kushdo që ka pilotuar njëherë një avion, nuk do të dëshirojë të ndahet kurrë as nga avioni dhe as nga qielli?.Komarov i ngjiti shpejt shkallët e karrierës. Në vitin 1959, u diplomua në Akademinë e Inxhinierisë së Forcave Ajrore Zhukovski.

Në atë kohë shprehu interes për t`u bërë një kozmonaut, dhe ishte vetëm një nga vetëm 18 pilotët që u zgjodhën në fillim për t?u trajnuar në këtë fushë. Në vitin 1964, Komarov u dallua duke pilotuar me sukses ?Voskhod 1?, anija e parë që transportoi më shumë se një person në hapësirë.
Ndërsa ai nuk ishte njeriu i parë që fluturoi në hapësirë – ky nder i përkiste kolegut të tij Juri Gagarin -s?ka dyshim që Komarov ishte shumë i respektuar për aftësinë dhe talentin e tij.

Ndërsa po afrohej 50 vjetori i Revolucionit Komunist, Bashkimi Sovjetik kishte vendosur të planifikonte diçka të veçantë. Dhe Komarov dukej se ishte njeriu perfekt për ta realizuar atë. Synimi ishte shumë ambicioz:Dy kapsula hapësinore do të takoheshin në orbitë, ndërsa Komarov do të vendoste njërën kapsulë pranë tjetrës. Dhe pastaj do të ecte në hapësirë midis dy kapsulave. Por sipas librit ?Starman? të botuar në vitin 2011, anija kozmike e Komarov ?Soyuz 1?kishte ?203 probleme strukturore? që u bënë të dukshme para fluturimit. Thuhet se një pilot rezervë i Komarov, Gagarin kërkoi shtyrjen e misionit. Ai madje shkroi një memo prej 10 faqesh, të cilën ia dorëzoi Venjamin Rusajev, një mik i tij në KGB.

Por ai dokument u shpërfill. Gjithsesi, nuk është provuar se kjo ?memo? ka ekzistuar vërtet. Por sipas disa ekspertëve, Gagarin ka të ngjarë të ishte një ?rezervë? vetëm sa për emër. Meqë ai kishte arritur tashmë të ishte njeriu i parë që udhëtoi në hapësirë, shihej si një thesar kombëtar.
Ndaj zyrtarët hezituan ta dërgonin në ndonjë mision që ishte i rrezikshëm. Por me sa duket ishin të gatshëm të rrezikonin jetën e Komarov. Më 23 Prill 1967, Komarov u nis në udhëtimin e tij fatkeq në hapësirë. Gjatë 24 orëve, ai ishte në gjendje të rrotullohej rreth 16 herë përreth Tokës. Por dështoi të përmbushte synimin përfundimtar të misionit të tij. Kjo sepse një nga dy panelet e tij diellore që furnizonin me energji anijen nuk arritën të dërgohen dot. Mesa duket sovjetikët e anuluan lëshimin e modulit të dytë, ndërsa e udhëzuan Komarov që të rikthehej në Tokë.

Po ky i fundit nuk e dinte se rikthimi në Tokë do të ishte fatal. Pavarësisht aftësive vetjake, Komarov hasi shumë vështirësi në menaxhimin e anijes së tij, dhe sidomos me frenat. U deshën edhe 2 rrotullime të tjera në planet, përpara se ai më në fund të niste rikthimin. Por kur ai arriti në lartësinë 7.000 metra, parashuta e tij nuk u hap. Ndaj më24 prill 1967, Komarov u rrëzua përtokë dhe u vra në një shpërthim të fortë, duke qenë astronauti i parë që vdiq në një fluturim hapësinore. Momentet e tij të fundit janë mbase më të mitologjizuarat nga gjithë të tjerat.

Siç thuhet në librin ?Starman?, Komarov u zemërua pa masë në momentet e fundit, duke thënë:?Kjo dreq anije! Asgjë mbi të cilën vendos duart, nuk funksionon siç duhet!?. Dhe nëse libri duhet të besohet, ai shkoi aq larg sa të mallkojë zyrtarët që e futën atë në atë anije kozmike./Përshtatur nga CNA.al

Burimi: https://allthatsinteresting.com/vladimir-komarov