E fundit!

12:59 Politikë

“Nuk duhet të jem aty”/ Berisha: Prania ime dëmton fibrën më të fuqishme të protestës

Kryetari i Partisë Demokratike, Sali Berisha, ka deklaruar...

Arrestimi i gjyqtares sukses i SPAK, apo SPAK veproi për të shpëtuar të tjerët?

13 Shkurt 2021, 14:19, Aktualitet CNA

Ka dy ditë që pas arrestimit të gjyqtares së Krujës që vërehen dy qëndrime nga kampet politike.

Kampi i majtë në bllok po duartroket si fitore të madhe arrestimin e një gjyqtareje që me sa u kuptua ishte prej 6 muajsh nën hetim edhe nga ILD dhe për të cilën ishte kërkuar shkarkimi për as më shumë e as më pak sesa për akuzat që ngriti ndaj saj SPAK.
KLGj e përbërë nga gjyqatarë, zvarriti procedurat e shkarkimit të gjyqtares në pritje që gjyqtarja të përgatiste mbrojtjen.

Ajo që kuptojmë post-faktum është që gjyqtarja në vend të përgatitjes për sqarim të organit që mbikqyr karrierën e gjyqtarëve, po përgatiste lirimin nga burgu të të paktën një të dënuari tjetër. Ne nuk mund të dimë nëse vetë gjyqtarja i konsideronte veprimet e veta dhe aktet që po përgatiste të firmoste me atë rast, si argumenta të vlefshme për KLGJ!

Por tashmë ëdhtë berë publik edhe një fakt tjetër! ILD bashkë me shkarkimin e Gjyqtares nga KLGj, paralelisht paska kërkuar edhe shkarkimin e Prokurorit të Krujës nga KLP, për të njëjtat raste lirimesh, sipas nje skeme që SPAK nuk priti dot që ta zbulonte.
Kurioziteti i publikut do mbetet i pashuar për rolin e Prokurorit në rastet e kaluara, për shkak se SPAK-ut ju mbaruan kasetat që kishte përgatitur për rastin, sepse një sasi e madhe e tyre u përdor për trajtimin e rastit të kardiologut.

I gjendur pa shirita rezervë dhe për të parandaluar lirimin e të burgosurve të tjerë, SPAK ndërhyri me urgjencë. Nuk kuptohet pse SPAK nuk priti që të ndërhynte përpara se gjyqtarja të firmoste vendimet përkatëse. Nëse qëllimi i SPAK ish bllokimi i lorimeve të tjera, këtij qëllimi do i shërbente më mirë zbardhja e gjithë skemës.

Sot të gjithë janë te bindur që gjyqtarja ishte hallka e fundit e një zinxhiri të gjatë letrash që duhen prodhuar në rastin e lirimit të një të burgosuri. Për çdo rast ka letra dhe komunikim që nga drejtoria e Përgjithshme e Burgjeve, drejtorët e institucioneve të shlyerjes së dënimin, ku gjendeshin dhe më pas transferoheshin të burgosurit “të piketuar” për tu liruar.

Për të gjitha rastet për të cilat mediat po masakrojnë një grua, që as që kemi ndër mend ta mbrojmë, ka prokuror që kanë trajtuar çështjet.
Ka zyrtarë burgjesh që kanë përgatitur dosjet. Nëse SPAK-ut nuk do ishin harxhiar kasetat, mbase do kishim të provuar emrat e gjithë zinxhirit që përfundonte tek Gjyqtarja, por që me siguri nuk komandohej prej saj.

KLP po pret ndërkohë e po mendohet për shkarkimin e prokurorit të të liruarve të mëparshëm. Nuk e paragjykojmë dot, se mbase po pret që dhe ai të hedhë në kartë argumentat e veta! Por veprimin SPAK mund ta konsiderojmë minimalisht si të nxituar.
Ato veprime i hoqën publikut mundësinë të kuptojë se çfarë, si dhe kush po gatuante dosjen qe do mbërrinte në tryezën e Gjyqtares së arrestuar. Ndaj kujdes kur nxitoni t?i quani heronj, siç duhet bërë kujdes kur ky arrestim të quhet suksesi i drejtësisë së re.

Opozita ndërkohë ka zgjedhur të heshtë. Fenomeni i lirimit të të burgosurve me sa duket nuk është tema e parapëlqyer e opozitës. Siç nuk është temë e re! Në 2007 Ministri i Drejtësisë i kohës, hetoi në rrugë administrative, përgatiti dhe dorëzoi në prokurori një dosje voluminoze të mbushur me emra, prova dhe fakte për abuzimin me praktikat e lirimeve përpara kohe.

Pas 6 muajsh, ish-ministri dha dorëheqjen dhe gjithë të akuzuarit u rikthyen në karriget e tyre.
Ky fakt mund të mjaftojë për të kuptuar që shpesh ata që rrinë pas hekurave, dinë më shumë sesa ne të tjerët.
Me siguri më shumë se ne të tjerët, di SPAK./CNA.al