web counter
LEXO PA REKLAMA!

SHKARKO APP

App Store
Google Play

Arrestimi i gjyqtares Enkelejda Hoxha/ Reagon KLGJ

11 Shkurt 2021, 14:36, Aktualitet CNA

Pas arrestimit të gjyqtares së Krujës Enkelejda Hoxha nga SPAK ka ardhure edhe reagimi i parë zyrtar nga ana e Këshillit të Lartë Gjyqësor.

Përmes një njoftimi, KLGJ shprehet se respekton pavarësinë e institucioneve, duke theksuar se janë marrë masat për vijimin e punës në Gjykatën e Krujës.

“Këshilli i Lartë Gjyqësor, duke marrë në konsideratë zhvillimet e fundit në Gjykatën e Rrethit Gjyqësor Krujë lidhur me arrestimet e kryera nga Struktura e Posaçme Kundër Korrupsionit dhe Krimit të Organizuar (SPAK), garanton opinionin publik se ka marrë të gjitha masat për vijimin e veprimtarisë së gjykatës, për të garantuar aksesin e qytetarëve në drejtësi.

Këshilli i Lartë Gjyqësor rithekson se nuk mund të japë udhëzime në lidhje me proceset gjyqësore që zhvillohen në gjykatë, procese të cilat duhet të zhvillohen pa asnjë ndikim, të çfarëdolloji. Si organ i qeverisjes së pushtetit gjyqësor në Republikën e Shqipërisë, Këshilli i Lartë Gjyqësor respekton pavarësinë e institucionale dhe të drejtën e qytetarëve për proces të rregullt ligjor.

Këshilli do të marrë në vazhdimësi të gjitha masat e duhura për të garantuar vijueshmërinë e veprimtarisë së gjykatave dhe forcimin e besimit të publikut në sistemin gjyqësor”, thuhet në njoftimin e KLGJ./CNA.al





Lajmet e fundit nga