web counter
LEXO PA REKLAMA!

SHKARKO APP

App Store
Google Play

E fundit!

x

Policia intensifikon kontrollet/ Gjobiten mbi 1400 qytetarë për mosmbajtjen e maskës

10 Shkurt 2021, 15:41, Aktualitet CNA

Në 24 orët e fundit policia njofton se janë vendosur 1435 gjoba për personat që nuk mbanin maskë, ndërsa janë gjobitur me nga 10 milionë lekë të vjetra edhe dy administrator lokalesh që ushtronin aktivitetin në kundërshtim me protokollet e sigurisë.

Këto kontrolle të shtuara kanë ardhur pas rritjes së frikshme të rasteve pozitive dhe viktimave dhe pas paralajmerimit që është dhënë nga qeveria.

Shërbimet e Policisë Rrugore kanë ndëshkuar me masë administrative 352 shtetas që udhëtonin me mjet pa vendosur maskën mbrojtëse, me persona me të cilët nuk kishin lidhje familjare, si dhe kanë ndëshkuar me pezullim të lejes së drejtimit dhe bllokim mjeti, 73 drejtues mjetesh që qarkullonin pa autorizimin përkatës pas orës 22:00.

Gjatë kontrolleve janë shoqëruar në ambientet e Policisë, 15 shtetas që nuk kanë pranuar t?i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit janë ndëshkuar me masë administrative 3.000 lekë dhe janë lënë të lirë.

Gjithashtu, në të gjithë vendin janë ndëshkuar me masë administrative 10.000 lekë, 49 shtetas që janë konstatuar duke lëvizur në këmbë pas orës 22:00.

Duke filluar nga dita e enjte, datë 11 shkurt, orari i lejuar i lëvizjes për mjetet e këmbësorët dhe për zhvillimin e aktiviteteve të subjekteve do të jetë deri në 20:00.

Të gjithë qytetarët që kanë nevojë për të lëvizur pas këtij orari duhet të pajisen me leje nëpërmjet e-Albania./CNA.al





Lajmet e fundit nga