Politikë
Zbulohet kandidatja surprizë e Lulzim Bashës
Partia Demokratike, duket se ka vendosur të na surprizojë edhe këtë herë me kandidatët e saj për zgjedhjet e 25 prillit.
Bëhet fjalë për një nga figurat televizive jo pak të njohura, moderatoren Floriana Garo.
Kjo e fundit është parë në takime me drejtues të lartë të PD-së, ndërsa është takuar dhe me vetë kryedemokratin Basha.
Sipas burimeve të CNA.al, PD i ka ofruar Garos vend fitues në listat e saj për qarkun e Durrësit.
Por kush është Floriana Garo?
Ajo ka lindur në Durrës më 15 shkurt 1987. Është vajza e profesorit të kolegjit Sofokli Garo dhe Teuta Garo. Në 2002, ajo dhe familja e saj u transferuan në Shtetet e Bashkuara ku jetoi për tetë vjet.
Garo është një e diplomuar në City College të New York-ut ku ka studiuar marrëdhënie ndërkombëtare.
Floriana është autore dhe drejtuese e emisionit të jetës “Jo vetem mode” në televizionin kombëtar Klan.
Ajo përfaqësoi Shqipërinë në Miss World 2012 në Ordos, Kinë.
Ende nuk dihet se çfarë e ka shtyrë Garon të përfshihet në politikë, por kandidimi në siglën e PD, pret ende konfirmimin e Florianes ./CNA.al
Politikë
Basha e refuzoi/ Reagon menjëherë Rama: Lëre pas politikën e sherrit
Vetëm pak minuta më parë kryetari i Partisë Demokratike Lulzim Basha, refuzoi ftesën e kryeministrit Edi Rama për bashkëqeverisje.
Por i menjëherëshëm ka qenë reagimi i Ramës, i cili i është përgjigjur me ironi Bashës, duke i drejtuar edhe pyetje.
Kryeministri kërkon të dijë nga Basha se përse nuk e pranoi ftesën e tij për bashkëqeverisje, ndërsa i thotë të lërë pas politikën e sherrit.
“Po pse vallë janë më të rëndësishëm për ty Saliu dhe Iliri se sa Shqipëria Lulëzim?! Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo?”, shkruan kreu i qeverisë në rrjetet sociale.
Ndërkohë, kujtojmë se sot Rama i bëri ftesë publikisht kryetarit të PD-së të distancohet nga presidenti Ilir Meta dhe nga ish-kryeministri Sali Berisha dhe të bashkëqeveriste me të për të mirën e Shqipërisë.
Por Basha i është përgjigjur negativisht kësaj ftese, duke thënë se koha e Ramës ka mbaruar./ CNA.al
Rama thirrje për bashkëqeverisje/ Basha i përgjigjet ftesës
Politikë
“Je mpirë nga trutë e kokës nga Basha, vjen si karabush këtu”/ Plas keq mes Murrizit dhe kandidatit të PD
Kryetari i Lidhjes Demokratike të Shqipërisë, Myslim Murrizi dhe kandidati i PD Agim Baçi janë përfshirë në një debat të ashpër mbrëmjen e sotme në Report Tv.
Debati mes tyre ndodhi teksa Murrizi komentonte deklaratat e Ramës i cili sot tha se pas fitores së 25 prillit gati të bashkëpunoj me Lulzim Bashën, me kushtin që të distancohet plotësisht nga Berisha e Meta.
Murrizi, se këto prej shumë vitesh kanë bashkëpunuar me njëri tjetrin dhe se në ideoligji nuk ndahen që nga viti ’45, pasi nuk ka një botëkuptim ndryshe për të djathtën dhe të majtën.
Në këtë moment ndërhyri kandidati për deputet i PD-së Agim Baçi, i cili i kujtoi Murrizit se ka qenë pjesë e PD-së dhe këtë gjë mund ta kishte deklaruar brenda forumeve të partisë.
Pas ngritjes së toneve Agim Baçi braktisi studion.
Debati:
Murrizi: E vërteta është se nuk është se po ndodh ndonjë qamet i madh prej 30 vitesh post komunizëm ka disa qeversje të përbashkëta dhe vendime në dëm të qytetarëve të përbashkëta. E pse u duket habi se kanë ndërmend që të qeverisiin. Vetëm hallin e shqiptarëve kanë këta, për kombin për vaksinat.Nuk janë ndarë këta, bashkë kanë qenë që nga ’45 vjet, 75 vjet. Nuk ka ndarje në ideologji, në koncept, për të djathtë edhe të majtë.
Baçi: Ke qenë pjesë e PD-së nuk e ke denoncuar këtë pjesë?
Murrizi: E kam denoncuar!
Baçi: Vetëm pasi ike nga PD-ja!
Murrizi: Kur duhet ta denoncoja?
Baçi: Gjërat thuhen brenda forumeve, i gjykojmë politikanët me akte publike, dhe jo ato që thuhet nën banak.
Murrizi: E kam denoncuar, ti e di që kam qenë kandiduar i pavaruar?
Baçi: E di ke kandiduar me partinë e Legalitetit, ke lëvizur sa andej-këtej.
Murrizi: I pavarur, a je i ftilluar nga memoria?!
Baçi: Pse nuk e përmend që ke qenë me Legalitetin?
Murrizi: Ti je i mpirë nga trutë e kokës nga Basha. Ky vjen si karabush këtu. Hape PLL-në në 2009 ka qenë me PD aleate.
Baçi: Zotëri! Mua mos mu drejto me ato fjalë!
Murrizi: Unë drejtohem me çfarë të kem qef, gishtin mos ma drejto mua, unë nuk kam ardhur këtu që të duroj dënglat e tua
Baçi: Mua mos mu drejto me këto fjalë, ndërpite!
Murrizi: Nuk duroj mashtrimet e tij! Mua më kanë zgjedhur qytetarët dy herë! (Largohet Baçi nga studio)
Politikë
Rama thirrje për bashkëqeverisje/ Basha i përgjigjet ftesës
Kryeministri Edi Rama u shpreh ditën e sotme se do të bënte një marrëveshje me kreun demokrat Lulzim Basha nëse ky i fundit do të ndahej nga Presidenti Ilir Meta dhe ish-kryeministri Sali Berisha.
Në lidhje me këtë temë ka reaguar edhe Basha i cili shprehet se me 25 prill shqiptarët do të votojnë për të larguar Ramën. Sipas tij, koha e kryeministrit ka mbaruar.
“Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë.”, shkruan Basha./CNA.al
