web counter
LEXO PA REKLAMA!

SHKARKO APP

App Store
Google Play

E fundit!

x

Përçarje brenda opozitës?/ Duka reagon pas lëvizjes së Mediut: Po përpiqemi të gjejmë gjuhën e përbashkët

13 Janar 2021, 13:59, Politikë CNA

Kreu i Partisë Republikane, Fatmir Mediu ka prezantuar 36 kandidatët për deputetë në Qarkun e Tiranës për zgjedhjet e 25 prillit.

Prezantimi i tyre është bërë në një kohë kur PD dhe LSI ende nuk e kanë vendosur nëse do të dalin me lista të përbashkëta në zgjedhje. Në mbledhjen e aktivit të Tiranës, kreu i PR-së Fatmir Mediu e mori fjalën pasi folën kandidatët për deputetë.

CNA.al kontaktoi me kreun e Partisë Agrare Ambientaliste Agron Duka i cili është edhe aleat i PD, ku u shpreh se opozita është në përpjekje të vazhdueshme për të maksimizuar votën, duke shprehur bindjen se do të gjendet një gjuhë e përbashkët mes tyre për fitoren e 25 prillit.

Duka shtoi se detyra e opozitës është rivendosja në shina e demokracisë, e cila sipas tij ka njohur një degradim në dëm të shoqërisë dhe ekonomisë.

?Nuk besoj se ka një përçarje në radhët e opozitës. Ne jemi në përpjekje të vazhdueshme për të gjetur konvergjencën brenda nesh, në përpjekje për të maksimalizuar votat dhe jam i bindur që do të gjejmë gjuhën e përbashkët brenda këtyre ditëve në funksion fitores së 25 prillit.

Pavarësisht qëndrimeve brenda kampit opozitar, të cilat janë gjithmonë të shëndetëshme për të nxitur një marrëdhënie sa më konstruktive dhe reciproke midis forcave tona politike, opozita do të jetë e bashkuar, sic ka qenë këto dy mandate. Ne kemi detyrën dhe përgjegjësinë për të rivendosur në shina demokracinë e brishtë shqiptare, e cila këto vite ka njohur një degradim dhe përqëndrim të rrezikshëm dhe të dëmshën për shoqërinë dhe ekonominë?, tha Duka për CNA.al.

https://www.cna.al/2021/01/13/prezantoi-36-kandidatet-mediu-tregon-pse-doli-me-liste-me-vete/

https://www.cna.al/2021/01/13/percahet-opozita-aleati-historik-i-pd-del-me-liste-me-vete/

https://www.cna.al/2021/01/13/mediu-krijoi-listen-e-kandidateve-murrizi-nuk-me-pengon-asgje-te-bejme-koalicion/

https://www.cna.al/2021/01/13/patozi-gati-te-bejme-koalicion-edhe-me-republikanet/





Lajmet e fundit nga