web counter
LEXO PA REKLAMA!

SHKARKO APP

App Store
Google Play

LSI nxit banorët në Fier/ Rebelohuni, mos lejoni ndërtimin e spitalit

12 Janar 2021, 12:06, Aktualitet CNA

Ish deputetja e LSI Kejdi Mehmetaj ka denoncuar se Policia e Shtetit dhe Garda kanë rrethuar tokën private bujqësore ku do të ndërtohet spitali i ri i Fierit nga Turqia.

Mehmetaj thotë se pronarët e vërtetë të tokës bujqësore janë vendosur që në orët e para të mëngjesit dhe kërcënojnë pronarët duke mos i lejuar të qëndrojnë e filmojnë. Ajo i bën thirrje Policisë e Gardës mos dhunojnë qyetarët teksa ka disa pyetje për vetë Ramën.

Njëherësh nxit pronarët e tokës që të rebelohen ndaj qeverisë dhe kryeministrit Edi Rama dhe të kundërshtojnë ndërtimin e spitalit të Fierit me financimin më të fundit turk në Shqipëri, pas vizitës së Ramës në Ankara.

?Që në orët e para të mëngjesit garda dhe policia e shtetit është vendosur në Mbrostar-Ferko të Fierit duke rrethuar pa asnjë shpjegim zonën dhe pronën private. Pronarët e tokës bujqësore që ndodhet në krah të autostradës na kanë kontaktuar të shqetësuar, pasi garda dhe policia e shtetit nën kërcënime nuk i lejon të qëndrojnë në pronën e tyre dhe të përdorin celularët për të komunikuar apo lmuar çfarë është duke ndodhur.

Po ashtu edhe gazetarëve u është kërkuar të largohen për të mos transmetuar live ngjarjen.

Pse trembet Edi Rama nga pronarët e tokës? Pse nuk pranon të komunikojë me ta publikisht?

Pse nuk ndjek rrugën institucionale dhe ligjore për zhvillimin e projekteve? Pse kërcënohen qytetarët? Pse nuk bëhet transparencë mbi marrjen e vendimeve?

Me kë u konsultua Edi Rama përpara se ti vinte gishtin asaj toke? Kush janë ekspertët e shëndetit publik dhe urbanistikës që e kanë sygjeruar atë tokë bujqësore, nën nivelin e autostradës dhe me lagështi si vend të përshtatshëm për ndërtimin e një spitali? I bëj thirrje Gardës dhe policisë së shtetit të mos dhunojnë qytetarët që ndodhen në pronën e tyre private, të mbrojnë të drejtën e tyre për tu informuar e të drejtën e medias për të transmetuar e informuar publikun?, shkruan Mehmetaj./CNA.al





Lajmet e fundit nga