Këmbeu "peshkun e madh" me 25 milionë lekë/ Gjyqtari, një pagë dhe 2 apartamente në Orikum

7 Janar 2021, 13:47, Vetingu CNA

Gjyqtari i Vlorës Ervin Trashi, me një karrierë prej 20 vitesh në sistemin gjjyqësor, i është nënshtruar procesit të Vettingut, Nëntorin e vitit 2019.

Trashi nuk është një emër i panjohur për opinionin publik, pasi ai është lakuar nga media në lidhje me çështje që ka gjykuar. Kujtojmë se në vitin 2019, pas 7 muajsh qëndrimi në qeli Gjykata e Vlorës mori vendim për të lënë të lirë ?peshkun e madh?, të tjetërsimit të pronave në bregdetin e Vlorës, shtetasin P.P.

Ky i fundit nëpërmjet falsifikimit të dokumenteve siç raporton Shqiptarja.com, në vitin 2019, ka mundur të zaptojë plazhet dhe sipërfaqet e tokës më të çmuara në Vlorë. Por, ai është lënë i lirë me vendim të gjyqtarit Ervin Trashi. Gjyqtari ka pranuar zëvendësimin e masës së sigurisë ?arrest me burg?, me masë sigurimi, garanci pasurore për 25 milion lekë të vjetra. Kaq janë lënë peng në Gjykatë në këmbim të lirimit të tij.

I njëti që është lënë i lirë nga Trashi rezultonte i dënuar me tre vjet burgim, për një tjetër çështje të tjetërsimit të pronave në gadishullin e Karaburunit në Vlorë.
Subjekteve deklaruese, Vettingu iu filtron edhe dosjet që ata kanë pasur në duar, por edhe pasurinë.

Sa i përket pasurisë gjyqtari Ervin Trashi, burim të vetëm të të ardhurave ka pagën, por që siç duket i ka mjaftuar për të blerë dy apartamente në Orikum.

Njërin apartament 55.7 m2, në Orikum me vlerë 27 000 euro e deklaron në vitin 2008, për të cilin ka marrë edhe kredi 20 000 euro, për 15 vite, por pas vitit 2011, kur kishte 15 000 euro për të shlyer nuk e deklaron më.

Dhe në vitin 2012 ai deklaron një tjetër apartament në Orikum, 56 18 m2 me vlerë 24 000 euro. Përveç kredisë së vitit 2008 ai deklaron dhe një borxh marrë vëllait në shumën 1 800 000 lekë, të cilën e ka paguar në vitin 2015.

Viti 2007
Gjendje kesh, 400 000 lekë.
Të ardhura nga vitet e studimit në Shkollën e Magjistraturës, 36 540 lekë.

Viti 2008
Shitur makina Nisan Primera, 800 000 lekë.
Ap 55.7 m2, në Orikum me vlerë 27 000 euro.
Të ardhura të subjektit deklarues si gjyqtar në Vlorë, 66 000 lekë.
Kredi për blerje ap në Orikum 20 000 euro për 15 vjet. Interesa 11 540 euro. Pa shlyer 31 190 euro.

Viti 2009
Kursime 300 000 lekë.
Të ardhura të subjektit deklarues si gjyqtar në Gjiroskatër, 846 886 lekë.
Kredi për blerje ap në Orikum 20 000 euro për 15 vjet. Interesa 11 540 euro. Pa shlyer 18 910 euro.

Viti 2010
Kursime 200 000 lekë.
Të ardhura të subjektit deklarues si gjyqtar në Gjiroskatër, 820 278 lekë.
Kredi për blerje ap në Orikum 20 000 euro për 15 vjet. Interesa 11 540 euro. Pa shlyer 15 000 euro.

Viti 2011
Të ardhura të subjektit deklarues si gjyqtar në Vlorë, 820 278 lekë.
Kredi për blerje ap në Orikum 20 000 euro për 15 vjet. Interesa 11 540 euro. Pa shlyer 15 000 euro.
Hua marrë vëllait 1 800 000 lekë. Pa shlyer 1 500 000 lekë.

Viti 2012
Ap 56 18 m2 në Orikum me vlerë 24 000 euro.
Të ardhura të subjektit deklarues si gjyqtar në Vlorë, 820 000 lekë.
Hua marrë vëllait 1 800 000 lekë. Pa shlyer 1 100 000 lekë.

Viti 2013
Të ardhura të subjektit deklarues si gjyqtar në Vlorë, 818 909 lekë.
Hua marrë vëllait 1 800 000 lekë. Pa shlyer 700 000 lekë.

Viti 2014
Të ardhura të subjektit deklarues si gjyqtar në Vlorë, 1 112 214 lekë.
Hua marrë vëllait 1 800 000 lekë. Pa shlyer 300 000 lekë.

Viti 2015
Kursime kesh, 400 000 lekë.
Shlyer huaja marrë vëllait 1 800 000 lekë.

Viti 2016
Automjet Mercedez Benz, 600 000 lekë.
Gjendje kesh, 400 000 lekë.
Të ardhura të subjektit deklarues si gjyqtar në Vlorë, 1 122 703 lekë.

Viti 2017
Gjendje kesh, 500 000 lekë.
Të ardhura të subjektit deklarues si gjyqtar në Vlorë, 1 169 814 lekë.

Viti 2018
Kursime kesh, 500 000 lekë.
Kursime në llogarinë e pagës, 169 485 lekë.
Të ardhura të subjektit deklarues si gjyqtar në Vlorë, 1 236 224 lekë./CNA.al