web counter
LEXO PA REKLAMA!

SHKARKO APP

App Store
Google Play

“Politika llum pa din e pa iman”/ Rama i përgjigjet akuzave për “shitje” të detit: Jetojmë në shekullin e XXI

26 Dhjetor 2020, 16:17, Politikë CNA

Kryeministri Rama i ka konsideruar si ‘llum nacional-folklorik’  reagimet në Tiranë pasi Greqia miratoi dekretin për zgjerimin me 12 milje në detin Jon.

Rama thekson se nuk është shitur det te Greqia, por vendi fqinj ka shfrytëzuar mundësinë që të ushtrojë të drejtën që i njihet.

Po ashtu, Rama deklaron se shtrirja 12 milje e Greqisë në Jon s?ka lidhje me zonën joniane mes nesh.

Llumi nacional-folklorik i politikës shqiptare pa kufij, pa din e iman, është derdhur sërish në oqeanin digjital përmes shpifjes së madhe të ?shitjes së detit? Greqisë! Këtë marrëzi ekstreme për përfitime politike mund ta besojnë vetëm ata që s?duan të dëgjojnë e as të kuptojnë!

Pas rrëzimit të marrëveshjes famëkeqe të 2009 dhe mosmarrëveshjes që pasoi, ne kemi arritur më në fund dakordësinë me palën greke që delimitimin e kufirit tonë detar ta çojmë në Gjykatën Ndërkombëtare! Shtrirja 12 milje e Greqisë në Jon s?ka lidhje me zonën joniane mes nesh!

E drejta e 12 miljeve ushtrohet aty ku është e mundur dhe jo aty ku s?ka mundësi, siç është rasti në zonën mes nesh ku vija ndarëse do të vendoset me gjyq! Greqia e ka ushtruar këtë të drejtë së fundmi, fiks siç e ka ushtruar Shqipëria qysh në vitin 1990! Të tjerat janë dokrra!

Jetojmë në shekullin XXI dhe në mes të Europës,ku nuk mund të ?shiten? e ?blihen? dot dete e territore as fshehurazi, as haptazi nga asnjë autoritet i veçantë! Këto mund të ndodhin vetëm në batakun e ligësisë e të injorancës,ku llumi i shqiptarisë gjen shesh për përsheshin e tij!

 





Lajmet e fundit nga