E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Dasho bën bilancin/ Shqipëria një ndër 15 vendet më të prekura në botë nga Covid-19

26 Dhjetor 2020, 14:56, Lifestyle CNA

Eksperti i Shëndetit Publik, Erion Dasho, ka reaguar sërish në lidhje me situatën e pandemisë dhe shfirat e raportuara.

Sipas Dashos, Shqipëria raporton mbi 1,100 vdekje, por nëse kjo shifër korrigjohet me numrin e vdekjeve të aportuara nga INSTAT dhe ato të denoncuara nga opozita, do shkonte minimalisht në 2,600, pa llogaritur qindra vdekje në shtëpi nga tetori e deri tani.

Kjo do e vendoste Shqipërinë midis 15 vendeve më të prekura në botë, ndërsa rëndit edhe fajtorët që e sollën vendin në këtë situatë.

Me ardhjen e fundvitit, kur bota përballet prej një viti me pandeminë COVID, dua të risjell në vëmendje dy tregues që të vetëm provojnë dështimin e thellë të përgjigjes shqiptare ndaj epidemisë:

Sot Shqipëria raporton mbi 1,100 vdekje. Në se kjo shifër korrigjohet bazuar në dy tregues tashmë të provuar katërcipërisht, vdekjet e raportuara nga INSTAT dhe ato të denoncuara nga opozita, numri i vdekjeje nga COVID shkon minimalisht në 2,600, pa llogaritur qindra vdekje në shtëpi nga tetori e deri tani. Vetëm shifra e 2,600 vdekjeve mjafton për ta vendosur Shqipërinë midis 15 vendeve më të prekura në botë.

Të lënë në mëshirën e fatit (tekave të virusit) nga qeveria e tyre, shqiptarët kanë harxhuar deri tani mbi 100 milionë euro për testim, analiza e ekzaminime në privat, trajtim në shtëpi, blerje pajisjesh dhe medikamentesh që mungojnë nëpër spitale, për pagesa nën dorë e rryshfete, si dhe për trajtim në spitalet private apo deri në Turqi, Itali e Austri. Kjo situatë është e paprecedent në Europë dhe për të gjetur të ngjashmen e saj duhet t’i drejtohesh kontinentit afrikan.

Për mendimin tim, arsyet kryesore që e sollën situatën në këtë pikë janë si vijon:

Qeveri e papërgjegjshme.

Komitet i paaftë.

Sistem shëndetësor i shkatërruar.

Komunitet shkencor inekzistent.

Bluza të bardha të frikësuara deri në palc.

Opozitë që ka toleruar përtej kufirit të arsyeshëm.

Qytetarë që janë mësuar të durojnë çdo padrejtësi që u bëhet.

Në ditët që vijojnë do të mundohem të trajtoj disa prej këtyre temave, duke propozuar edhe rrugëzgjidhjet përkatëse.

Fundjavë të mbarë, miq!

Shërim të shpejtë pacientëve-viktima të këtij sistemi të kalbur shëndetësor dhe kësaj qeverie/ministrie të papërgjegjshme…