web counter
LEXO PA REKLAMA!

SHKARKO APP

App Store
Google Play

E fundit!

x

Ja si u vlerësuan mbrojtësit shqiptarë këtë javë në Serinë A

24 Dhjetor 2020, 12:57, Sport CNA

Mbrëmjen e djeshme u luajtën ndeshjet e fundit të Serisë A për këtë vit. Në fushë nuk mund të mungonin edhe shqiptarët me skuadrat e tyre të impenjuara. I vetmi që ia doli të triumfonte ishte Marash Kumbulla me Romën e cila mposhti në shtëpi 3-2, Kaljarin. 20-vjeçari ishte titullar në këtë sfidë, megjithatë pasi u ndëshkua me karton të verdhë në minutën e 60, tre minuta më pas u zëvendësua.

Në notat pas ndeshjes nga Eurosport, Kumbulla u vlerësua me notën 5.5. ?Pak i sigurt, rrezikon të humbasë një top kur ishte mbrojtës i fundit dhe më pas ndëshkohet. Nuk arrin të mbyllë të plotë 90-minutëshin?, ishin fjalët e Eurosport për Kumbullën.

Ndërkohë, Atalanta e Berat Gjimshitit nuk shkoi më shumë se një barazim 2-2 në transfertë ndaj Bolonjës. Mbrojtësi ishte në fushë për të gjithë ndeshjen teksa u ndëshkua edhe me karton të verdhë në minutën e 60. Në vlerësimet pas ndeshjes të Eurosport, Gjimshiti ka marrë notën 5.5, teksa shihet si fajtor në golin e parë të pësuar. ?Goli i Tomijasu vjen nga ana e tij?, theksonte Eurosport.

Sakaq, i impenjuar ishte edhe Elseid Hysaj, i cili me Napolin nuk shkoi më shumë se një barazim 1-1, në shtëpi ndaj Torinos. Mbrojtësi i kombëtares u aktivizua deri në minutën e 71, ndërsa nga Eurosport mori notën 5. ?Në fazën e shtyrjes përpara nuk shihet thuajse kurrë dhe kundër një Torino shumë të organizuar kjo do të ishte shumë e nevojshme?, ishte përshkrimi i Eurosport për Hysajn.





Lajmet e fundit nga