E fundit!

09:40 Kronika

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

Një kambist në Durrës ka humbur 60 mijë euro pasi është ma...

Biznesmeni përgjënjeshtron JOQ/ Bëjnë investigime pa u bazuar tek e vërteta, do ngre padi ndaj tyre

22 Dhjetor 2020, 12:53, Aktualitet CNA

Biznesmeni Hervin Fora ka bërë një reagim në rrjetin social, pas disa shënimeve nga portali ?Jeta Osh Qef?, ku e akuzon si të përfshirë në tendera sekret të qeverisë përmes kompanisë ?Euromed?.

Sipas ?JOQ?, Fora ka përfituar miliona lekë për maska dhe tamponë në kohën e pandemisë.

Pas këtyre akuzave, biznesmeni ka deklaruar se nuk kanë marrë informacionet e sakta, duke theksuar se po tentojnë që të anatemojnë figurën e tij profesionale, për të cilën ka investuar 30 vjet.

?E dashur JOQ!

Pasi jam perfolur padrejtesisht , bazuar mbi te pa verteta nga portali juaj per te disaten here po ju drejtohem publikisht.

Kam ditë që pres të më kontaktoni pas shkrimit te fundit disa dite me pare adresuar ndaj meje , nese ju nevojitej informacion , por JO , ju ndotni dhe nuk shikoni mbrapa. Perpara se te akuzoni e ?kërkoni llogari? per biznesin tim te pakten te merrni informacionin e sakte dhe minimalisht mos gaboni duke përsëritur per te disaten here te njejten stil goditje dhe anatemimi ndaj figurës sime si profesionist prej 30 vitesh në këtë fushë?, shkruan biznesmeni Hervin Fora.

Për këtë CNA.al kontaktoi me Hervin Forën, i cili u shpreh se reagimi publik erdhi si pasojë e cënimit të figurës së tij disa herë nga një portal online. Ai shton se denoncimi është i pavërtetë, pasi sipas tij ai është aksione vetëm me 10% në kompaninë ?Euromed? dhe jo kryesori.

Duke iu referuar tenderit në të cilin ?Euromed? u shpall fituese, Fora thekson se gara ka qenë e hapur dhe mundësia për të marrë pjesë u është dhënë shumë kompanive

?Shkaku është sepse sigurisht është cënuar figura ime në mënyrë të pa drejtë e para dhe në mënyrë të përsëritur, sepse nuk është rasti i parë. Fakti që ata kanë anatemuar figurën time së fundmi ishte sepse duke qenë se unë kam qenë aksioner i një kompanie që quhet Euromed, 10% jam unë aty më anatemojnë mua si kryesorin e kësaj komapnie.

Ndërkohë që unë kam vetëm 10% të aksioneve dhe nuk kam lidhje fare me këtë kompani dhe kam shumë vite që jam i shkëputur. nga ana tjetër edhe anatemimi që i bëjnë vetë kompanisë është i padrejtë, sepse bëhet fjalë për një tender i cili është zhvilluar përpara një muaji. Tenderi është i hapur ku kanë mundësi të futen shumë kompani dhe nga fondi limit është realizuar me gjysëm fondi?, tha biznesmeni për CNA.al.

Hervin Fora thekson më tej se ?Euromed? nuk është bërë fituese e këtij tenderi në mënyrë të padrejtë, por është përzgjedhur si kompani me çmimin më të ulët.

?Nuk bëhet fjalë që ka një tender të përcaktuar, të orientuar për një kompani konfidencial dhe ne ose ajo kompani është bërë fituese e padrejtë. Thjesht është bërë fituese me çmim të ulët dhe është krejt e paarsyeshme që të anatemosh apo të flasësh për një kompani apo person pa marë informacionin e duhur. Unë bëra reagimin tim publik për të sjellë në vëmendje të njerëzve dhe të nderit tim si profesionist i vjetër në mënyrë që të mos kemi më probleme të tilla dhe unë të them fjalën time me dinjitet për të vërtetën siç është para zotit?, tha ai.

Biznesmeni Hervin Fora shprehet për CNA.al se do të ngrejë edhe një padi ndaj ?JOQ? për prishje të imazhit, duke e konsideruar këtë si një të drejtë ligjore të çdo njeriu.

?Unë kam të drejtën time që të mbrohem për akuzat dhe për dëmin që më është shkaktuar, nga kushdoqoftë, edhe nga një person që nëse më shan publikisht unë kam të drejtë të mbroj emrin dhe dinjitetin tim. Unë kam investuar gjithë jetën për emrin dhe imazhin tim në këtë shoqëri dhe nuk mund të lejoj që të dalë një njeri, kushdoqoftë, edhe një media, dhe mbi baza të pavërteta, mbi broçkulla të denigrojë figurën time.

Kjo është e drejta ime për ta mbrojtur në çdo instancë. E para është një padi në gjykatë që praktikisht edhe ajo do të bëhet pasi unë të dërgoj një letër, ose zyra e mbrojtjes time ligjore do merret me këtë punë, nuk do merem unë. Por i kam parashtuar të gjithë informacionin dhe dokumentat e nevojshëm që të përgënjeshtrojnë atë që thonë ata?, tha Hervin Fora.

Në fund, biznesmeni thekson se është pro investigimeve dhe mbrojtjes së fondeve publike, por kërkon që këto të bëhen në mënyrë të duhur dhe ndaj atyre personave që janë të ngatëruar në afera korruptive.

?Unë kam thënë që jam pro investigimit, denoncimit mbrojtjes së fondeve publike, dhe nuk jam kundër kësaj. Por ama të bëhet ashtu siç duhet, aty ku duhet me njerzit e duhur dhe me subjektet e caktuara që mund të jenë të ngatërruara në korupsion. Ajo është një goditje personale që vjen nga nuk e di, por unë duhet dhe do mbrohem me vendosmëri?, u shpreh biznesmeni Hervin Fora për CNA.al.