E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Nga avokat Pallko Trendelina/ Menaxhimi i protestës nga autoritetet “Fshat e Zanat”

14 Dhjetor 2020, 15:10, Opinione CNA

Dje është mbajtur protesta e 5-të për vrasjen e Klodian Rashës në kryeqytet. Protestë e cila, për disa ditë, përveçse në Tiranë, është zhvilluar edhe në qytete të tjera të vendit si Elbasan, Durrës, Korçë etj. Ndërkohë që për menxhimin e protestës në Tiranë, policia ka marrë masat e zakonshme duke vendosur efektivë në terren, kryesisht të përqëndruar tek institucionet kryesore, ajo që bije në sy është se menaxhimi i saj në rrethe ka qënë i mënyrave të ndryshme.

Në Elbasan, përveç menaxhimit nga forcat e rendit, kreu i Grupit Parlamentar të PS Taulant Balla ka shkuar në protestë për të biseduar me të rinjtë. Bashkë me të ishte dhe kryebashkiaku Gledian Llatja të cilët ndodheshin në qendër të qytetit, për të biseduar më minorenët të cilët dëmtuan kosha mbeturinash dhe ndriçimin e dekorit festiv.

Në Pogradec, Artur Hebaj, shefi i komisariatit, duket se në një farë mënyre ka mbështetur protestën e organizuar në këtë qytet, pas vrasjes së Klodian Rashës nga efektivi i policisë. Në një video që qarkullon në rrjetet sociale shihet Hebaj duke biseduar me një grup të rinjsh duke miratuar protestën e tyre dhe njëkohësisht duke kërkuar dhe këshilluar këta të fundit për moskryerjen e veprimeve të dhunshme.

Në Korçë, shefi i komisariatit Krenar Gjokutaj, duket se ka zgjedhur një mënyrë të pazakontë dhe ?dinake? për menaxhimin e situatës. Pas përfundimit të protestës në këtë qytet, dhjetra të rinj janë thirrur veçmas nga shefi i komisariatit i cili në formë presioni dhe intimidimi ju ka kërkuar të shmangin protestat pasi në rast përsëritjeje do të procedohen dhe ndiqen penalisht.

Në Durrës, protesta është mbyllur në një mënyrë të vecantë. Edhe pse me disa incidente të vogla, ku janë vënë kazanët e mbetjeve në rrugë për të penguar qarkullimin, të rinjtë që dolën për të protestuar për të kërkuar drejtësi për Klodian Rashën, kanë përqafuar dhe i kanë dhënë duart forcave të policisë të cilët ishin të pranishme për të mbikëqyrur këtë tubim./CNA.al