web counter
LEXO PA REKLAMA!

SHKARKO APP

App Store
Google Play

VIDEO/ E mbani mend Mirel Çotën? Shikoni supergolin që ka realizuar nga goditja e dënimit

7 Dhjetor 2020, 11:32, Sport CNA

Sopoti mposht bindshëm Ilirinë dhe kryeson i vetëm grupin A. Një javë pas humbjes në Shënkoll, të besuarit e Besnik Kolës kanë shkëlqyer kundër fushë-krujasve, të cilët konsiderohen si rivalë direkt në luftën për t?u ngjitur në Kategorinë e Parë. Loja nisi e shpejtë, me të dyja ekipet që sulmonin pa u menduar gjatë për taktikën.

Në fillim sinjalin e parë e japin miqtë, që kanë një shans të artë në minutën e 7-të me Balliun, por ky i fundit bllokohet në momentin e fundit nga Farruku, i cili ishte dhe një nga më të mirën në fushë për Sopotin.

Më pas, librazhdasit krijojnë raste të pastra, por tentativat e Sejdinit dhe Rreshkës nuk kanë rrezikshmërinë e duhur për të zhbllokuar shifrat. Megjithatë, në minutën e 38-të, një goditje dënimi pranë zonës kthehet në gol nga i riu Andi Kullafi. Numri 7 ekzekuton mjeshtërisht faullin e fituar nga Çota, duke lënë të shtangur portierin mik.


Pjesa e parë mbyllet 1-0 për Sopotin. Në fraksionin e dytë është kapiteni Mirel Çota që shënon një supergol vetëm 3 minuta pas rinisjes së lojës. Me një goditje dënimi nga rreth 24 metra, sulmuesi i ka mrekulluar të gjithë. Vendësit shkëlqejnë me lojën e tyre dhe goli i tretë nuk vonon.

Kullafi asiston për Sejdinin, i cili nuk fal para portës dhe 3-0. Iliria shthuret totalisht dhe duke lënë hapësira, pëson edhe golin e katërt pas një aksioni personal të mesfushorit Endri Goci. Kur po luhej minuta e 90-të, fushë-krujasit zgjohen dhe pas dy tentativave radhazi, Masha realizon golin e nderit, duke vulosur përfundimisht shifrat 4-1 në Librazhd.





Lajmet e fundit nga