web counter
LEXO PA REKLAMA!

SHKARKO APP

App Store
Google Play

Rikthimi te Tirana, Ngo në negociata me Halilin

7 Dhjetor 2020, 09:21, Sport CNA

Majkëll Ngo prej ditësh është duke diskutuar me drejtuesit e Tiranës për firmosjen e një kontrate të re. Ai ka qenë në kryeqytet dhe është duke diskutuar me presidentin Refik Halili për këtë marrëveshje. Burime pranë klubit bëjnë me dije se palët nuk janë as pranë dhe as larg.

Ose më saktë është diskutuar, por Halili nuk është se ka ndonjë dëshirë të madhe për të mbyllur ndonjë marrëveshje me anglezin.

Ky i fundit edhe nëse u mbush mendjen bardhebluve së pari duhet të kalojë disa faza. Së pari, të pranojë kushtet e trajnerit të ri, Nevil Dede dhe më pas të testohet disa ditë për gjendjen e tij fizike. Për sa i përket kushtit të parë, palët janë të pakënaqura, sepse Ngoja nuk garanton përpikmëri dhe jo ndoshta sjell pështjellime në skuadër nëse ai firmos me bardheblutë.

Edhe në rastin që Ngoja firmos kontratë të re, duhet të stërvitet dhe të kalojë provën e Dedes nëse dështon që të jetë pjesë e skuadrës. Për momentin askush nuk e di cila është gjendja e Ngosë.

Po kështu, anglezi nuk do të marrë më rrogën që pretendonte, por paga e tij mund të rrotullohet rreth 6-7 mijë euro dhe asnjë kacidhe më shumë. Për momentin në klub nuk janë ende të bindur për të firmosur me anglezin që dihet se ka shumë huqe, që zor se pranohen nga stafi teknik.





Lajmet e fundit nga