web counter
LEXO PA REKLAMA!

SHKARKO APP

App Store
Google Play

Ka pasur trajner Maradonën, surprizon futbollisti i Kukësit: Ja çfarë mësova prej tij

7 Dhjetor 2020, 10:24, Sport CNA

Patrick Friday Eze është sulmuesi që i dha tri pikët skuadrës së Kukësit në përballjen ndaj Apolonisë, por nuk i harron kurrsesi ato dy raste flagrante që humbi më parë.

Në intervistën ekskluzive për ?Panorama Sport? pas ndeshjes, nigeriani pohon se ka qëndruar pa gjumë dhe ka parë videon e takimit, por në fund është i lumtur që skuadra mori tri pikët. 27-vjeçari e pranon se synimi i Kukësit është të koleksionojë sa më shumë pikë javë pas jave, ndërsa kërkon maksimumin edhe në Ballsh. Në fund, diçka edhe për Diego Armando Maradonën, të cilin e ka pasur trajner kur luante në Emiratet e Bashkuara Arabe, nga i cili ka mësuar shumë dhe ndan dy foto me të?

“Po, Maradona ishte trajneri im kur luaja në Emiratet e Bashkuara Arabe. Jam shumë i privilegjuar që kam kaluar mjaft kohë me të. Ai më mësoi shumë gjëra. Sot, ai nuk është më me ne dhe lutem që të prehet në paqe. Ka qenë në vitin 2017 me ekipin e Fujairah, siç e thashë, në Emiratet e Bashkuara Arabe. Së pari, Maradona ishte një njeri i mirë dhe më pas një trajner i tillë. Nuk e harroj që më jepte gjithnjë këshilla se si të bëhesha lojtar më i mirë. Edhe tani e kujtoj si më mbante pas stërvitjes dhe më mësonte të trajnohesha edhe më shumë me topin.

Mësova se asnjëherë nuk duhet të dorëzohem, pavarësisht mundësive që mund të humbas në një ndeshje. Gjithnjë duhet ta mbaj kokën lart për të vazhduar luftën dhe besimin, sepse qëllimet do të arrihen më pas. Këtë nuk do ta harroj asnjëherë”, u shpreh Eze.





Lajmet e fundit nga