web counter
LEXO PA REKLAMA!

SHKARKO APP

App Store
Google Play

“Kim ka kuriozitet për ecurinë time politike”/ Hajdari zbulon marrëdhënin me ambasadoren e SHBA

2 Dhjetor 2020, 17:19, Politikë CNA

Deputetja Rudina Hajdari ka folur për marrëdhëniet me ambasadën e SHBA në Tiranë, duke thënë se ajo nuk ka ndikuar në “Nismën THurje”.

Hajdari u shpreh se ambasada e SHBA thjesht e vëzhgon atë ashtu siç bën me të gjitha partitë. Më tej ajo theksoi se nuk mund të fshehë faktin se ka marrëdhënie të shkëlqyera me ambasadoren amerikane Yuri Kim, dhe me ambasadat e tjera.

Ndërkaq, deputetja ka shtuar se ambasadorja amerikane Kim dhe ambasadorët e tjerë kanë kuriozitet për ecurinë e saj politike në vend.

“Roli i drejtpërdrejt. Kjo është një pyetje që shpesh më bëhet në studio por ambasada në tërësi ka një rol vëzhgues ndaj gjendjes politike në Shqipëri. Nuk mund ta fsheh faktin se kam marrëdhënie të shkëlqyera me ambasadën amerikane dhe me ambasadat e tjera. Vjen si pasojë e kryetare të Komisionit të Integrimit dhe që kam jetuar në Amerikë kjo më ka bërë të kem njëlloj avantazhi nga politikanët e tjerë. Këtë afrimitet jamë munduar që ta ruaj dhe ta ushqej.
Ambasadorja amerikane dhe ambasadorë të tjerë kanë kuriozitet për ecurinë time në politikë dhe ata mendojnë se pluralizmi në Shqipëri është i rëndësishëm, konkurenca është e rëndësishme dhe ata mundohen të mbështesin në mënyrën e tyre dhe jo të ndikojnë. Do jemi parti që do e kërkojmë aleatët perëndimore”, tha Hajdari./CNA.al





Lajmet e fundit nga