E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Zbulohen emrat e Bashës që do drejtojnë qarqet/ Ja kush janë kandidatët që do angazhohen

2 Dhjetor 2020, 14:10, Politikë CNA

Ndonëse nuk na ndajnë edhe shumë kohë nga mbajtja e zgjedhjeve parlamenatre të 25 prillit, Lulzim Basha ka përgatitur pjesërisht listën e të deleguarve në qarqe, pra personat që do drejtojnë fushatën dhe kryesojnë listat e Partisë Demokratike.

Një muaj më parë, CNA.al. raportoi se ish- kreu i KLSH, Bujar Leskaj do drejtojë qarkun e Vlorës, megjithëse ai u votua masivisht kundër nga strukturat lokale, pasi quhej një kthim 15 vite pas.

Në Fier pritet që të jetë Gazment Bardhi drejtues qarku i pasuar nga Enkelejd Alibeaj. Bardhi më parë përflitej si një emër që mund të drejtonte qarkun e Shkodrës, ku pritet që surpriza të jetë vetë ish-kryeministri Sali Berisha.

Në Elbasan mund të shkojë drejtues politik Flamur Noka, i cili në fakt kërkon të qëndrojë në Tiranë dhe preferon Paskuqanin. Kjo lëvizje ka bërë që nënkryetari i PD Edmond Spaho të shkojë për të drejtuar Qarkun e Korçës.

Durrësi do i besohet ish deputetit Oerd Bylykbashi dhe nënkryetarit Edi Paloka.

Ndërkohë që sot Bold News ka raportuar se Qarku i Korçës do të drejtohet nga ish deputeti Enno Bozdo, ndërsa në Lezhë, pritet që drejtimin e qarkut ta marrë Enkelejd Alibeaj.

Bold News ka deklaruar se ndonëse ishte diskutuar që Edmond Spaho do të drejtojë Qarkun Korçë, ai do të vijojë të qëndrojë në Qarkun e Elbasanit. Ndërsa Genc Pollo do të drejtojë Qarkun e Gjirokastrës dhe Tomor Alizotit do i besohet drejtimi i Qarkut të Beratit.

Tirana, e cila në zgjedhjet e 25 prillit do të ketë 36 mandate deputetësh, pritet të ketë një tjetër organizim me disa drejtues të ndarë sipas zonave. Deri më tani është raportuar se Tirana do të ketë 4 drejtues, por nuk përjashtohet mundësia që ky numër të rritet, bazuar kjo në degët mbi të cilat është organizuar struktura e PD-së në këtë qark.

Në disa qarqe të tjera ka shumë emra që përfliten në korridoret e selisë së Republikës së Re, por janë më shumë fjalë dhe dëshira sesa emra të konfirmuar. Kjo listë ende nuk është konfirmuar dhe pritet që të ketë ndryshime të tjera, deri në muajin janar, kur edhe pritet që Lulzim Basha të publikojë listën përfundimtare./CNA.al.

Basha bën gati listën/ Zbulohen disa nga drejtuesit e PD-së në qarqe