web counter
LEXO PA REKLAMA!

SHKARKO APP

App Store
Google Play

Basha merr nën kontroll televizionet/ Anulon intervistat, Lela vendos manikin në vend të Palokës

30 Nëntor 2020, 21:37, Politikë CNA

Mbrëmjen e sotme kryetari i Republikës së Re është duke dhënë një intervistë në Abc News. Basha duket se ka urdhëruar të gjithë strukturat e partisë së tij që të mos i bllokojnë audiencën, duke i dhënë ultimatum që të mos shkojnë në intervistat që kanë qenë të ftuar.

Kjo ka ndodhur me nënkryetarin e PD-së Edi Palokën, i cili edhe pse kishte konfirmuar pjesëmarrjen në emisionin e Alfred Lelës, në momentin e fundit e ka anulluar.

Në karrigen ku duhej të ulej Paloka, Lela ka ulur një manikin dhe i flet sikur të ishte vetë demokrati, madje i ka vendosur edhe një tabelë përpara me emrin e Edi Palokës.

Edhe te Cim Peka u njoftua më para edhe nga vetë Jozefina Topalli se do të ishte e ftuar te Syri Tv dhe më pas postimi u hoq, por vetë Çim Peka e ka shmangur Topallin duke thënë se gjoja është me Covid.

Më pas ai ka thirrur në emision Ilir Metën dhe nga ana tjetër Alfred Lela ka ftuar nëkryetarin e PD-së Edi Palokën, por edhe ky i fundit ka ikur nga emisioni.

Alfred Lela tha live në studio se Paloka nuk i shkoi në emision për të mos i bllokuar audiencën Lulzim Bashës. Pra, Lulzim Basha kur del në televizion nuk do asnjë njeri t?i dalë përballë dhe tashmë ka filluar të kontrollojë edhe televizionet dhe studiot, siç është Syri apo ushtarët e tij në parti që i urdhëro të mos dalin më./ CNA.al





Lajmet e fundit nga