E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

“Të nis menjëherë zbatimi i planit të PD”/ Basha: Ja si mund ta shmangim mbylljen e vendit

30 Nëntor 2020, 21:12, Politikë CNA

Kreu i Partisë Demokratike Lulzim Basha u shpreh se vendi ndodhet në një situatë të vështirë për shkak të pandemisë, duke theksuar se kryeministri Edi Rama duhet të lërë mënjanë çdo aktivitet politik dhe propagandistik dhe të nis zbatimin e planit me 5 pika që ka propozuar PD.

Gjatë një interviste për ?Log?, Basha tha se hapja e spitaleve rajonale për të pritur pacientë COVID me simptoma më të lehta, lehtëson ngarkesën në spitalet COVID për rastet e rënda.

“Denoncime pranë Partisë Demokratike për mosraportim të viktimave të COVID ka patur vazhdimisht. OBSH kërkon që monitorimi i vdekshmërisë duhet të bëhet sipas përkufizimit të OBSh-së. Kanë kaluar 2 javë e 4 ditë që kur mjekët sollën denoncimin, përse nuk lëviz prokuroria. Nuk ka nevojë të bëjmë kallëzim. Prokuroria e ka për detyrë kur bëhet fjalë për jetën. Edhe kur denoncojmë ne ata nuk lëvizin. Nesër ka mundësi të tjera, se një komision parlamentar u thotë ku ishit ju? Të merren masa për të futur situatën në kontroll. Prokuroria të vendosë këto hallka të qeverisë që kanë ushtruar presion për vdekjet ti vendosë përpara përgjegjësisë. Mjekët janë në një presion të jashtëzakonshëm. Ju e keni parë si është sjellë kryeministri me profesorë të nderuar.

Cila është çështja? Nëse denoncimi është i vërtetë, përse nuk heton prokuroria? Qytetarët meritojnë transparencë. Për të vendosur qeverinë në ato pozita që ia kërkon detyra në këtë moment krize. Rëndësi ka, a do të vijojnë shqiptarët të kenë një shëndetësi nën presion nga qeveria, që mban testimet e ulëta për të treguar një numër të ulët të infeksioneve?

Minimumi i OBSH për testimet është dhjetëfishi i numrit të të infektuarve në ditën pararendëse. Kryeministri duhet të braktisë çdo aktivitet tjetër politik, propagandistik dhe të nisë zbatimin e planit tonë me 5 pika.

Edhe Edi Rama do të detyrohet të shkojë drejt mbylljes. Unë inkurajoj të merren masat, nëse do të ishin marrë Shqipëria nuk do të ishte në këtë gjendje sot. Nëse rrit numrin e testimeve dhe vendos në veprim spitalet rajonale, nëse bën të mundur që trajtimi ambulator të bëhet me rimbursimin e plotë dhe të vërtetë.

Maqedonia po shpërndan sot paketën e katërt ekonomike. Hapja e spitaleve rajonale për të pritur pacientë COVID me simptoma më të lehta, lehtëson ngarkesën në spitalet COVID për rastet e rënda.

Nëse Edi Rama do t’i kishte marrë masat që i kemi kërkuar prej 2 muajsh, nuk do të ishte e nevojshme të mbyllemi plotësisht. Edi Ramës i ka dalë pandemia nga duart dhe nuk i bëhet vonë për këtë”, tha Basha./CNA.al.