web counter
LEXO PA REKLAMA!

SHKARKO APP

App Store
Google Play

E fundit!

x

Video që “çmendi” Vjollca Hoxhën dhe Ben Blushin

19 Nëntor 2020, 14:11, Denoncim CNA

Vjollca Hoxha dhe Ben Blushi kanë shfrytëzuar kontratat e tyre me një kompani private për menaxhimin e imazhit të shumë mediave private në rrjetet sociale, për të hequr videon që i “çmendi” me fakte dhe prova konkrete.

Në këtë marrëveshje biznesi midis tyre ka bërë që në CNA.al të censurohet një video ekskluzive bazuar në një lajm të ndërtuar mbi fakte dhe argumenta konkrete.

Disa ditë më parë, CNA.al publikoi një analizë në lidhje me çështjen e Top Channel dhe mbështetjen që ky televizion bën ndaj inceneratorëve, pronares së televizionit dhe drejtorit i cili është ortak me pronarët e inceneratorëve. Ben Blushi në kompaninë EM Kapital Group me Klodian Zoton dhe Mirel Mërtirin, nëpërmjet bashkëshortes së tij Eva Blushit, dhe Vjollca Hoxha një nga pronaret e Top Channel nëpërmjet kompanisë ?Valtelino Kafe? ku ?EM Kapital Group? ka blerë 51% të aksioneve për 2.2 milionë dollarë.

Shkrimi ishte një analizë e plotë, me fakte, pas publikimeve në lidhje me inceneratorët që kishte bërë Top Channel, pra televizioni ortak i pronarëve të inceneratorëve.  Lajmit, (Lexo këtu)  iu përgatit një video rreth pesë minuta me plane të ndryshme. Video u publikua në rrjetet sociale dhe u bë virale.

Por çfarë ndodhi?

Kompania Acromax Media, që qendron gjithmonë pas marrëveshjeve me televizionet kombëtare, nëpërmjet aksesit që ka, fillimisht e hoqi videon nga You Tube dhe kjo me pretendimin se ishte e drejta e autorit. Gjithashtu më pas, e njëjta gjë ndodhi edhe me videon e publikuar në rrjetet sociale. Së pari u godit faqja e CNA.al dhe dje është hequr edhe nga faqja e ish kryeministrit Sali Berisha, dhe kudo ku ajo ka qenë e publikuar.

Në një kontakt që CNA.al pati me Anxhela Faber, pronaren e Acromax,  e cila ka ndërtuar dhe një kompani tjetër në Shqipëri në lidhje me të drejtat dhe kontratat tha se ajo ka një platformë, por ja ka dhënë atë në shfrytëzim televizioneve dhe janë këta të fundit që veprojnë. Pra, sipas asaj që thotë Anxhela Faber, është vetë Top Channel i cili ka hequr materialin e publikuar. Pra lajmin me video, i cili është zhdukur nga Facebook, Youtube dhe rrjetet sociale CNA.al apo e sjell më poshtë sërish këtë video të cilën ne do e hedhim direkt në sistem për ta pasur të plotë dhe më të sigurt që askush të mos mundet ta cënojë dhe sulmojë.

Së pari theksojmë se heqja e videos është një skandal i radhës për të cilin nënvizojmë se ne nuk kemi përdorur kontente për përfitime ashtu sikundër mund të jenë kontratat e Top Channel me kompani private. Por, janë përdorur materialet e këtij televizioni për të bërë një analizë, për të krijuar një opinion dhe për të dhënë disa fakte të vërteta. Prandaj heqja e kësaj video që ka ?çmendur? Vjollca Hoxhën dhe Ben Blushin e cila është konfirmuar se është hequr nga Top Channel për shkak të platformës së vënë në dispozicion nga Akromax, që është konfirmuar edhe nga Anxhela Faber, tregon qartazi se çifti drejtues i Top Channel është ?çmendur? nga faktete e vërteta, nga video e cila tregon gjithçka.

Megjithëse tek faqja e Sali Berishës shkuan me qindra, mijëra vizitorë që e panë videon, tek CNA.al gjithashtu, ne po e hedhim sërish në panel. Po e publikojmë këtë lajm dhe po e reklamojmë fort në rrjetet sociale që askush të mos tentojë të bëjë të tilla veprime. Përballja e fakteve është përballje faktesh jo vjedhje kontenti. Ne nuk i kemi vjedhur askujt kontentin, nuk i kemi marrë askujt asnjë të drejtë, por thjesht dhe vetëm kemi përdorur një mënyra të thjeshtë, kemi vënë faktet përballë njëra tjetrës.

Por Top Channel dhe Ben Blushi të cilët sot thonë se inceneratorët nuk janë aq shumë problem, ne vumë përballë faktet se ky televizion, drejtori dhe vetë pronarja e Top Channel kanë ortakëri me pronarët e inceneratorëve. Nga ana tjetër kemi publikuar në vazhdim sesi Ben Blushi, kur ishte kryetar i parisë ?Libra? sulmonte inceneratorët ndërsa sot bën avokatinë e tyre ashtu sikundër dhe vartësit e tij, gazetari Endrit Habilaj i cili dje tek emisioni ?Të pa eksozuarit? të Ylli Rakipit i sulmonte inceneratorët , sot i bën avokatinë

Prandaj kjo video po rikthehet, do të rikthehet çdo material që sulmohet apo hiqet nga Facebook apo nga Youtube, do të hidhen në platforma të tjera dhe do të reklamohen në mënyra të cilat as Vjollca Hoxha, as Ben Blushi as platormat e Akromax vënë në dispozicion të televizioneve , të mos munden t?i heqin pasi ne po themi të vërtetën dhe po përballemi me fakte. Ajo që po bëhet nga Top Channel sic e përmendëm më lart tregon se pronarët e televizionit janë ?çmendur? përballë fakteve dhe duan të pengojnë daljen e së vërtetës, gjë që nuk do të munden ta bëjnë dot kurrë.

E vërteta është një dhe vetëm një prandaj ne do e themi me zë të lartë: Ben Blushi dhe Vjollca Hoxha janë oratakë të Klodian Zotos dhe Mirel Mërtirti, pronarëve të inceneratorëve.

Këto janë fakte që ne i kemi treguar me shkrime me dokumenta, me video dhe do të bëjmë gjithçka që këtë gjë ta mësojë çdo shqiptar, deri tek komshiu i fundit i Ben Blushit në Dardhë apo i Vjollca Hoxhës në çdo cep të Shqipërisë ku shkel apo ku shkon sinjali i Top Channel që bën propagandë për inceneratorët dhe do i themi të vërtetën. Kjo është propaganda e ortakëve të pronarëve të inceneratorëve dhe oratkët janë ben Blushi, Vjollca Hoxha, Mirel Mërtiri dhe Klodian Zoto./CNA.al

 

 

 

Video-Top Channel propagandë për incineratorët/ Ndiqni faktet që nxjerrin zbuluar gënjeshtrat

Top Channel bllokon videon e skandalit të ortakërisë me incineratorët

 





Lajmet e fundit nga