web counter
LEXO PA REKLAMA!

SHKARKO APP

App Store
Google Play

Kaseta e masakrës së Krushës/ Frrok Çupi: Basha duhet të largohet nga politika urgjent

19 Nëntor 2020, 19:52, Politikë CNA

Analisti Frrok Çupi, ka folur për kasetën e zhdukur për masakrën e Krushës së Madhe në Kosovë, ku akuzohet si u përfshirë edhe kryetari i opozitës Lulzim Basha.

Çupi tha se nuk do ta quante Bashën një tradhtar, por theksoi se i ka bërë një dëm të madh gjithë kombit shqiptar.

Sipas tij, kryetari i opozitës duhet të largohet nga politika urgjentisht.

?Nuk do ta quaja deri në kufijtë ekstremë që zoti Basha është një tradhtar. Basha ishte një djalë i ri, shërbente, nuk e dinte se çfarë po bënte. Gjatë gjithë kohës që ne kemi festuar pavarësinë e Kosovës, Serbia dhe serbët kanë punuar për të mbledhur këto prova. E kanë futur shqiptarin në thesin e tyre dhe s?ka ku del më shqiptari tani. Humbja e këtij argumenti është vërtet humbje shumë e madhe. 240 veta janë vrarë brenda natës dhe ti ke 21 vjet që kurrkush s?e di në botë.

Dhe gjithë bota mendon që përbindëshat janë në Kosovë. Ai mund ta ketë bërë edhe kështu, do ketë qenë pjesë e një grupi ku të tjerët e urdhëronin, bëj këtë gjë, fshihe këtë, zhduke atë. Problemi është sot. Duhet ta sqarojë e para dhe e dyta duhet të thotë se ka bërë një dëm ndaj kombit. Ky nuk tregon kush është. Duhet të largohet nga politika, urgjent. Sepse në politikë vjen me një dëm shumë të madh, me apo pa qëllim?, tha analisti në emisionin ?Hard Talk?./ CNA.al





Lajmet e fundit nga