E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

“Një lajm i mirë”/ Artan Fuga: Do dal vullnetar për të bërë analizën anti-Covid

18 Nëntor 2020, 09:17, Aktualitet CNA

Akademiku Artan Fuga ka dhënë një lajm të mirë, duke informuar se në Gjermani ka nisur informimi i popullsisë se do të nisë vaksinimi kundër COVID-19.

Përmes një postimi në rrjetin social, Fuga shkruan se këtë lajm e ka nga burimet e tij të besueshme se do të vaksinohen rreth 80 mijë persona në ditë.

Më tej akademiku zbulon se kur vaksina për COVID-19 të vijë në Shqipëri do të dalë vullnetar për ta bërë teksa ata që kanë frikë se mos i injektojnë 5G atëhere le të hapin krahun.

Artan Fuga është një prej shqiptarëve që kaloi COVID-19 duke e mposhtur atë teksa edhe pse tashmë ka fituar imunitet thekson se vaksinën do e bëjë gjithsesi.

?Një lajm i mirë. Burimet të miat, nëpërmjet rrjetit të informacionit prej dhjetra mijë vetësh të këtij profili, më njoftojnë se në Gjermani, ka nisur informimi i popullsisë nëpërmjet fletushkash të shpëndara në familje se do të nisë vaksinimi kundër virusi të Covid19.

Po sipas këtyre burimeve shumë të besueshme, thuhet se do të vaksinohet popullsia me transha prej 80 mijë vetësh në ditë. Duke përfshirë edhe ata që kanë tashmë një lloj imuniteti? si puna ime .

Eshtë fillimi i fundit të këtij kalvari, shpresohet!

Sapo të vijë vaksina në Shqipëri, do të paraqitem vullnetar për ta bërë vaksinën! Kush ka frikë se mos me anë të saj i injektojnë 5 G, le të hapi krahun! Unë nuk kam frikë sepse 5 G ma kanë injektuar me vaksinën kundër gripit sezonal.

Madje uroj ta kem 5 G e fortë sepse me këtë lidhje Interneti që kam në shtëpi, ndonëse e paguaj sa qimet e kokës, lidhja Internet më vjen me shkëputje, dhe kur shoh rregjistrimet me imazh më duket sikur jam duke ritransmetuar me ngadalësi ndonjë skenë goli në stadium. Dua dy orë të hap gojën. Hëpërhë nuk po e bëj publike logon e firmës ku jam klient sepse ende kam besim se do të japin cilësinë e shërbimit kundrejt pagesës!

Duan një vaksinë me 5 G! Hajde delir hajde! Gjithsesi nga Gjermania na vjen lajm i mirë, nga poshtë, mbetet për ta verifikuar! Edhe pak durim, kurajo, pa frikë?, shkruan Fuga. /CNA.al.