web counter
LEXO PA REKLAMA!

SHKARKO APP

App Store
Google Play

E fundit!

x

Biden po e nis gabim, një bllokim i dytë do ishte katastrofik për SHBA-në

14 Nëntor 2020, 09:25, Politikë CNA

?The Wall Street Journal?

A i shijuat ditët që qëndruat të mbyllur në shtëpi nga mesi i marsit deri në maj? 22 milion vende pune të humbura, qepenat e dyqaneve të mbyllura, dyqanet e lagjeve që falimentuan, fëmijët që nuk mundën të ndiqnin dot shkollën, dhe depresioni i afërt ekonomik?

Epo urime, nëse Xho Bajden e dëgjon ekipin e tij të këshilltarëve mbi Covid-19, ky skenar mund të përsëritet prapë. Ne ju kemi folur me herët mbi Ezekiel Emanuel, anëtarin e komitetit këshillues që dëshironte bllokime të reja gjatë shpërthimit epidemik të verës në shtetet e ?Rripit të Diellit?.

Në atë kohë patëm fat, pasi fuqia e tij e vetme shfaqej vetëm në televizionin MSNBC. Pastaj është Majkëll Osterholm, gjithashtu një anëtar i komitetit të këshilltarëve të Biden mbi pandeminë, që tani dëshiron një bllokim të ri mbarëkombëtar për më shumë se 6 javë. Dr.Osterholm është drejtor i Qendrës për Kërkimin dhe Politikën e Sëmundjeve Infektive në Universitetin e Minesotës.
CNBC e citoi atë të sugjeronte se jemi gati të hyjmë në ?ferrin e Covid?, ndaj qeveria duhet që të mbyllë gjithçka derisa të jetë gati një vaksinë.

?Ne mund të përgatisim një paketë ndihme tani për të mbuluar të gjitha pagat e humbura për punëtorët, apo humbjet e kompanive të vogla dhe te mesme?– tha Osterholm.

?Nëse e bëmë atë, atëherë mund të bëjmë sërish për 4-6 javë?– shtoi ai. Bllokimet janë ilaçi më i mirë i mjekut. Në gusht, ai dhe Presidenti i Rezervës Federale të Mineapolis, Nill Kashkari kërkuan bllokime më të ashpra.

?Problemi me bllokimin nga marsi në maj, ishte se ai nuk ishte kudo i rreptë. Për shembull, Minesota lejoi punën e 78 për qind të punëtorëve të saj. Që të jetë efektiv, bllokimi duhet të jetë sa më gjithëpërfshirës dhe sa mëi rreptë që të jetë e mundur?– shkruan të dy në një shkrim në ?The New York Times?.

Por a mësuan ata diçka nga pranvera dhe ngjarjet që rrodhën që prej asaj kohe? Bllokimet nuk e shtypin virusin. Ato thjesht e vonojnë përhapjen e tij, derisa të mbarojnë bllokimet. Kufizimet për njerëzit dhe bizneset, mund të jenë të nevojshme në rast emergjence në disa zona të caktuara, për të parandaluar kolapsin e spitaleve. Megjithëse edhe në atë rast, qeveria mund të shtojë burimet mjekësore, siç po ndodh tani në El Paso. Kostot e bllokimeve të rënda janë të tmerrshme.

Shtetet e Bashkuara mezi po e marrin veten nga katastrofa e pranverës, kur norma e papunësisë u rrit në 2 muaj në 14.7 për qind, më e larta që nga Depresioni i Madh. Dhjetëra mijëra biznese u mbyllën, dhe shumë prej tyre nuk do të hapen më kurrë.
Kostoja njerëzore është edhe më e keqe. Një e katërta e të rinjve 18-24 vjeç, kanë raportuar mendime vetëvrasëse dhe abuzim të shtuar me substancat narkotike. Gjysma e tyre raportuan simptoma të çrregullimeve depresive, sipas një sondazhi të Qendrave për Kontrollin dhe Parandalimin e Sëmundjeve.

Rreth 13 për qind e amerikanëve, thanë se e filluan ose rritën përdorimin e substancave narkotike për ta përballuar pandeminë. Dr.Osterholm duket se mendon se i gjithë ky dëm mund të lehtësohet nëse qeveria miraton të tjetër paketë të madhe ndihme.
Por kriza deri tani ka harxhuar gati 3 trilionë dollarë. Rezerva Federale po shton qindra miliarda dhe borxhi federal tani është 100 për qind e PBB-së dhe po rritet më tej. A do t`a shpëtojnë vërtet 3 trilion dollarë më shumë, apo do të na duhen 10 trilion dollarë?
Kjo këshillë e tmerrshme vjen në një kohë kur ekonomia vazhdon që të rimëkëmbet nga mbyllja e parë. Rritja gjatë3-mujorit të tretë ishte një rekord, 33.1 për qind, ndërsa edhe 3-mujori i katërt ka filluar i fortë. Papunësia u reduktua me 436.000 të tjerë. SHBA-ja ka rikuperuar më shumë se gjysmën e vendeve të punës që humbi, dhe shkalla e papunësisë ka rënë në 6.9 për qind.

Ku do të ishim tani nëse do të kishim marrë për bazë këshillat e Dr. Osterholm në gusht, apo të Dr.Emanuel në qershor?

Rastet me Covid-19 po shtohen me shpejtësi dhe në një shkallë më shqetësuese në disa vende. Shtrimet në spital po shtohen,dhe vdekjet po ashtu, megjithëse shumë më pak sesa në pranverë, falë përparimeve në trajtimin e sëmundjes.
Por ne duhet t`a kishim mësuar deri më tani, se përgjigjja më e mirë ndaj kësaj situate është mbrojtja e personave të prekshëm, respektimi i distancimit social dhe mbajtja e maskave në ambiente të mbyllura, ndërsa të vazhdohet sa më shumë që të jetë e mundur me jetën normale, arsimin dhe tregtinë.

Ekipi i Biden do të kishte më shumë besueshmëri në lidhje me bllokimet, nëse ai dhe vetë Biden do të ishin më të qëndrueshëm në paralajmërimet e tyre ndaj Covid-19. Por ata qëndruan të heshtur gjatë festimeve publike të fitores së tij fundjavës së kaluar.
Nuk është çudi pse kaq shumë amerikanë i injorojnë paralajmërimet mbi Covid kur e shohin këtë standard të dyfishtë. Problemi me komitetin e këshilltarëve të Biden, është se anëtarët e tij janë pjesë e konformistëve mbi Covid, që mendojnë se bllokimet e diktuara nga lart janë pozitive për njerëzit e vegjël.

Biden duhet që të diversifikojë burimet e këshillave që merr. Biden do të trashëgojë një ekonomi që po rimëkëmbet. Detyra e tij do të jetë që të forcojë këtë përparim, dhe jo ta zhysë sërish vendin në dëshpërimin e muajit prill. Nëse ai rikthen bllokimet, do të jetë përgjegjës për pasojat e rënda ekonomike dhe shëndetësore që do të pasojnë./Përshtatur nga CNA.al

Burimi: https://www.wsj.com/articles/joe-bidens-lockdown-lobby-11605223647?mod=opinion_lead_pos1





Lajmet e fundit nga