LEXO PA REKLAMA!

SHKARKO APP

Sulmi ndaj dy mjekëve/ Pampuri nxjerr videon nga Infektivi: Rama nuk i intimidon dot profesionistët

13 Nëntor 2020, 18:47, Politikë CNA
Sulmi ndaj dy mjekëve/ Pampuri nxjerr videon nga Infektivi: Rama nuk i

Mbrëmjen e djeshme kryeministri Edi Rama sulmoi dy mjekët Arjan Mezini dhe Genc Sulçebe, duke marrë shkas nga deklaratat e këtyre dy të fundit për situatën shëndetësore në vend.

Për këtë sulm ka reaguar edhe ish-deputetja e Partisë Demokratike Oriola Pampuri, e cila thotë se çdo mjek dhe punonjës i shëndetësisë ndihet i fyer, i braktisur dhe i indinjuar nga sjellja e kreut të qeverisë.

Pampuri ka publikuar disa pamje nga spitali Infektiv dhe deklaron se Rama mund të fyejë, shajë, mallkojë, mashtrojë, por nuk e fsheh dot të vërtetën dhe nuk i intimidon dot profesionistët që të thonë atë që shohin çdo ditë dështimin e qeverisë.

?Edhe sot, pacientët dhe familjarët e tyre u përballën me radhët e tejzgjatura në pritje të lirimit një shtrati tek COVID 1. Mbi 10 ambulanca në pritje janë fotografia e dështimit të Edi Ramës me pandeminë. Në vend që të bëjë diçka për të lehtësuar qytetarët, Edi Rama ka nisur të sulmojë mjekët që dëshmojnë të vërtetën, se spitalet janë të tejmbushura.

Sot, çdo mjek dhe punonjës i shëndetësisë ndihet i fyer, i braktisur dhe i indinjuar nga sulmi i padenjë që Edi Rama u ka bërë dy mjekëve të shkëlqyer Arjan Mezini dhe Genc Sulçebe. Sjellja e tij me mjekët që përballen direkt me virusin meriton përbuzje. E vërtëta e pohuar prej tyre nuk fshihet dot nga propaganda e Edi Ramës, i cili i do mjekët pa zë dhe pa kurajo për të folur.

E vërteta që pohojnë mjekët është se pacientët e infektuar me COVID-19 duhet të presin jashtë nëpër ambulanca që të lirohet një shtrat dhe të futen ata. E vërteta që mjekët pohojnë është se qytetarët duhet të presin 10 ditë për një tampon. E vërteta që mjekët pohojnë është se qytetarët që kurohen në shtëpi shpenzojmë shumë parà, pasi qeveria e dështuar nuk rimburoson asgjë.

Edi Rama mund të fyejë, shajë, mallkojë, mashtrojë, por nuk e fsheh dot të vërtetën dhe nuk i intimidon dot profesionistët që të thonë atë që shohin çdo ditë- dështimin e Edi Ramës me pandemisë dhe sistemin shëndetësor“, shkruan ish-deputetja në rrjetet sociale./ CNA.al

Lajmet e fundit nga