web counter
LEXO PA REKLAMA!

SHKARKO APP

App Store
Google Play

Zërat për bashkim me LSI-në/ Thyen heshtjen Klevis Balliu, flet pas skualifikimit nga demokratët

26 Tetor 2020, 20:38, Politikë CNA

Ish-deputeti i Partisë Demokratike, Klevis Balliu edhe pse nuk ka marrë mbështetjen e nevojshme nga anëtarësia e PD-së në Pogradec për t?u kandiduar në zgjedhjet e ardhshme parlamentare, thotë se kjo çështje do të sqarohet shumë shpejt.

I pyetur nga Ilva Tare nëse kjo ka ardhur për shkak se angazhimi i tij nuk ka qenë i përqendruar në zonën elektorale por në Tiranë, ai mohoi një fakt të tillë.

?Për këtë çështje do të ketë një moment të dytë që do të sqarohet. Për sa i takon angazhimit tim në Pogradec dhe kjo mund të verifikohet nga rrjetet sociale, për dy vjet të paktën dy ditë të javës kam qenë në Pogradec. Nuk është çështja se do të jap vetëm unë përgjigje por do të sqarohet gjithçka shumë mirë për të gjithë?, u shpreh ish-deputeti.

Lidhur me zërat për largimin e mundshëm nga PD drejt kandidimit për Lëvizjen Socialiste për Integrim, z. Balliu tha se kjo është e pavërtetë duke mohuar kategorikisht largimin nga partia.

?Unë nuk u bëra demokrat kur u bëra deputet. Unë kam lindur demokrat dhe jam rrit në protestat e kësaj partie. Me LSI kam pasur dhe do të kem marrëdhënie jashtëzakonisht shumë të mira, por nuk mund të largohem nga PD, pasi është si ju të largoheshin nga shtëpia juaj. Unë aty kam shtëpinë?, përfundoi z. Balliu.

Gjatë procesit të votimit brenda PD-së për përzgjedhjen e kandidatëve për deputetë për zgjedhjet e ardhshme parlamentare të 25 prillit, Klevis Balliu u votua masivisht kundër në Pogradec. Nga 450 anëtarë që votuan, ai mori 310 vota kundër. Votë kundër kandidimit mori dhe ish-kryetari i bashkisë, Eduart Kapri.





Lajmet e fundit nga