Ruli konfirmon CNA.al/ Hiqen 30% e listës së 2017

23 Tetor 2020, 12:53, Politikë CNA

Kryesia e Partisë Demokratike ka gati tashmë 326 emra që do të vijojë garën për të qenë në listat e kandidatëve të kësaj partie në zgjedhjet e 25 prillit.

Përpilimi i kësaj liste si edhe përjashtimi me votën e anëtarësisë të disa emrave të njohur ka shkaktuar jo pak debat në PD.

Por, ashtu sikurse CNA.al e kishte paralajmëruar, anëtari i Komisionit të Vlerësimit të Kandidatëve në PD, Genc Ruli, në një intervistë për Abc news, ka pranuar se 30% e listës së 2017-ës, do të hiqen.

Sipas tij, duke dashur që të bëjnë një listë fituese të demokratëve, komisioni ka patur qasjen që të largojë edhe më tepër nga lista në fjalë.

Ruli u pyet edhe me skualifimin nga gara të Klevis Balliut; Hekuran Hoxhallit dhe Astrit Veliajt, si edhe të tre kryebashkiakëve duke theksuar se anëtarësia i donte këta emra në PD, por jo në pozicione drejtuese.

Në lidhje me Berishën dhe debatit gjatë muajve të fundit, ai u shpreh se misioni mund të vazhdojë edhe jashtë politikës aktive.

?Unë fola çfarë mendova për veten time si Genc Ruli. Jam në të njëjtën kohë me Berishën dhe e theksova se Berisha ka kontribut. Edhe sot ka kontribut. T?i flasë demokratëve dhe të djathtëve. Ka goxha kontribut sepse është një njeri që nuk i shteron influenca

Angazhimi jonë në politikën aktive dhe profesionale nuk është i nevojshëm dhe i detyrueshëm për të vazhduar misionin tonë. Misioni jonë mjafton edhe me një deklaratë publike, edhe me një intervistë publike apo edhe me një përshëndetje që i bëjmë anëtarëve të partisë.

Pra nuk shoh kontradita në ato që kam thënë. Unë ndjehem i lirë me veten time në këtë gjykim, prandaj bëra atë formulim që besoj jam mirëkuptuar edhe nga Berisha dhe nga shumë persona që e njohin Partinë Demokratike nga brenda?, u shpreh Ruli në Abc News.

Ekskluzive/ Zbulohen 21 emrat e rinj të listës Basha

Surprizat e listës Ruli-Luli në qarkun Tiranë/ Shtatë përfaqësimet nga këngëtarë, humoristë, ish-policë, ish-drejtorë hajdutë dhe deputetët e 2017-ës

Basha pranon publikisht se listën e kandidatëve e ka gati

Procesi skandaloz i përzgjedhjes së kandidatëve të PD/ Dalin skenarët e parë