web counter
LEXO PA REKLAMA!

SHKARKO APP

App Store
Google Play

E fundit!

x

Rama reagon për protestën e naftëtarëve/ Do të shkruaja një libër

6 Tetor 2020, 11:59, Politikë CNA

Gjatë një konference për mediat, kryeministri Edi Rama ndër të tjera është ndalur edhe tek protesta e naftëtarëve të Ballshit.

Kreu i qeverisë, theksoi se ka shkuar posaçërisht në Azerbajxhan disa javë më parë, ku ka takuar presidentin për problemin e naftëtarëve të Ballshit, të cilët janë në grevë për të rinisur puna.

Rama tha se bëhet fjalë për një privatizim kriminal dhe shtoi se i vjen keq për situatën e punonjësve.

?Është një privatizim kriminal. Do shkruaja një libër nëse mund të tregoja çfarë kam bërë për këtë çështje. Kam bërë lloj-lloj lutjesh tek kompania për të rifilluar puna. Jo më larg se disa javë më parë shkova enkas në Azerbajxhan dhe takova presidentin.

Por të na vini faj është e tepërt. Privatizimi është kriminal dhe në atë ndërmarrje nuk u bënë kurrë investime serioze. Ajo rafineri është keqshfrytëzuar. Jam i shqetësuar por e rëndësishme është të bëjmë diçka. Jam i shqetësuar, më vjen keq. Jam i informuar por nuk mendoj se ka nevojë për greva urie që të sensibilizojnë mua.

Jam super i sensibilizuar unë. Kemi bërë ndërhyrje disa herë. Ajo rafineri kërkon një investim të madh për tu rimëkëmbur dhe kërkon një afat të gjatë. Ne po punojmë dhe jemi në komunikim të vazhdueshëm për të gjetur një zgjidhje të këtij problemi?, tha Rama.





Lajmet e fundit nga