web counter
LEXO PA REKLAMA!

SHKARKO APP

App Store
Google Play

“Shqipëria ka të dhënat me të këqija në rajon”/  ISHP i kundërpërgjigjet Bashës

29 Shtator 2020, 12:10, Politikë CNA

Instituti i Shëndetit Publik ka reaguar pas deklaratës së kreut të PD-së, i cili u shpreh se Shqipëria ka të dhënat më të këqija në rajon për numrin e të infektuarve për shkak të Pandemisë nga COVID-19.

ISHP I kundërpërgjigjet  Bashës duke theksuar se kreu i opozitës nuk ju është referuar të dhënave, por sipas saj ka vijuar me  retorikën e tij boshe madje duke përfituar të bëjë politikë me pandeminë e cila ka mbërthyer mbarë globin e jo vetëm Shqipërinë.

?E vërteta është se, sipas të dhënave të publikuara në Qendrën Europiane e Parandalimit dhe Kontrollit të Sëmundjeve dhe worldometer:  Shqipëria ka numrin e rasteve  4,654 për 1 milion banorë, ndërkohë Bashkimi Europian, Britania e Madhe, Zvicra ka një mesatare prej 6,272 raste për 1 milion banorë. Mesatarja e rajonit është 6,655 raste për 1 milion banorë, të cilat janë substancialisht më të larta krahasur me Shqipërinë.

Ndërsa kreu i opozitës Basha deklaroi se edhe numri i vdekjeve është i lartë, të dhënat zyrtare flasin ndryshe.

Numri i vdekjeve të regjistruara që prej fillimit të pandemisë për 1 milion banorë në Shqipëri është 132 dhe është shumë më e ulët se sa mesatarja Bashkimit Europia, Britanisë së Madhe dhe Zvicrës me 363) dhe mesatarja e rajonit 197?, shkruan ISHP./CNA.al





Lajmet e fundit nga