web counter
LEXO PA REKLAMA!

SHKARKO APP

App Store
Google Play

E fundit!

x

Situatë shqetësuese në shkolla/ Mbi 160 mësues të infektuar me Covid, asnjë masë nga qeveria

26 Shtator 2020, 11:22, Politikë CNA

Partia Demokratike akuzoi ditën e sotme qeverinë për situatën nëpër shkolla.

Me anë të një deklarate për mediat ish-deputetja e PD-së Albana Vokshi deklaroi se Edi Rama është i fokusuar tek riciklimi i mashtrimeve elektorale të viteve të shkuara dhe ka lënë mësuesit e nxënësit në mëshirë të fatit.

?Nga informacionet që disponojmë nga të gjitha shkollat e vendit, rreth 160 mësues dhe staf, si dhe mbi 100 nxënës janë të infektuar, por nuk është marrë asnjë masë për të ndërprerë zinxhirin e infektimit? deklaroi ajo.

Sipas saj, drejtuesit militantë në shkolla e mbajnë të fshehtë informacionin, me qëllim që të mbulojnë dështimin e partisë në pushtet me hapjen e shkollave pa asnjë plan.

Ajo listoi problemet që hasen në shkolla duke nisur që nga mosrespektimi i protokollit të sigurisë së shëndetit, më pas me kushtet higjieno sanitare, mungesën e maskave dhe dezinfektantëve si dhe mbingarkesën nga ana e mësuesve.

Sipas saj është urgjencë kombëtare që qeveria të marrë disa masa elementare për të ruajtur shendetin dhe cilësinë e mësimdhënies në shkolla.

Prandaj PD sugjeron të bëhen testime masive, të mos lejojë zhvillimin e mësimit në ato shkolla, ku nuk përmbushet asnjë kusht higjeno sanotar, të sigurojë dezinfektim për ambjentet shkollore dhe maska falas për çdo mësues, si dhe për nxënësit e familjeve në nevojë si dhe të kontraktojë mësues shtesë për të lehtësuar mësuesit./CNA.al





Lajmet e fundit nga