web counter
LEXO PA REKLAMA!

SHKARKO APP

Ibrahimovic infektohet me koronavirus

24 Shtator 2020, 13:52, Sport CNA

Ditën e djeshme, Leo Duarte rezultoi pozitiv në testet që Milani zhvilloi para ndeshjes së sotme europiane në turin e tretë të Ligës së Europës ndaj norvegjezëve të Bodo Glimt. Kjo bëri që sot të kryhen sërish testime nga të cilat ka rezultuar se COVID-19 ka prekur Zllatan Ibrahimoviç.

Suedezi duhet të përballet me virusin e rrezikshëm, ndërsa menjëherë janë marrë masat që sulmuesi të futet në izolim për të shmangur një përhapje të mëtejshme në organikën e skuadrës.

Në këtë formë, trajneri Stefano Pioli do ta ketë të pamundur ta ketë 38-vjeçarin të gatshëm, ndërsa prania e tij rrezikohet edhe për dy ndeshjet e kampionatit, atë ndaj Krotones dhe Specias.

Ndërkohë, mediat bëjnë të ditur se pavarësisht dy rasteve pozitivë te Milani, ndeshja e sotme ndaj Bodo Glimt në stadiumin San Siro nuk është në rrezik për të mos u zhvilluar.





Lajmet e fundit nga