E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

“Djalli” fshihet në detaje/ Qëllimi që kanë Rama dhe Basha, çfarë do të ndodhë pas 25 prillit

23 Shtator 2020, 08:47, Politikë CNA

Palët politike po përplasen për të gënjyer publikun në lidhje me ndasitë e thella që kanë dhe qëndrimet kundërshtuese me njëra-tjetrën, por në fakt disa detaje janë ?djalli? i vërtetë i një negociate të mbyllur kohë më parë, kur Rama dhe Basha së bashku kanë dy pika, si qëllim final, e para bashkëqeverisje dhe e dyta eleminimi i partive të vogla.

Ndryshimet në Kodin Zgjedhor, hapja e listave duke i mbyllur si qëndrime publike të PS-së dhe aktet politike të saj kanë nxjerrë zbuluar Bashën me heshtjen e tij ndaj një sistemi zgjedhor që është në funksion të asaj që ka tentuar Rama dhe Bashan ë 2017, eleminimin e partive të vogla dhe dobësimin në maksimum të tyre.

Kjo në funksion të një bashkëqeverisje të nesërme, ku pritet që zgjedhjet e 25 prillit të na japin me vështirësi një fitues të vetëm dhe një PS që do përpiqet të shkojë mbi 70 mandate, me një PD që do tentojë të ?ringjallet?, si ?Llazari? nga Krishti. Dhe një LSI që po bën gjithçka për të mbijetuar, por tashmë jo më me monopolin e partisë që bën qeverinë, por një segment politik i lodhur, jo vetëm nga skandalet, por edhe nga imazhi i sharlatanëve krijuar nga dyshja Kryemadhi-Vasili.

?S'ta kam unë fajin që firmose marrëveshjen?/ Ping pong deklaratsh mes Ramës e Bashës Sistemi zgjedhor që po përpunohet, duke goditur të vegjlit dhe me mundësinë e mos pasjes së një shumice solide, nga një palë e vetme dhe në rast të mos arritjes të shumicës nga opozita aktuale, do ta bëjë të detyrueshme një koalicion Rama-Basha, prova e të cilit u dha disa muaj në vitin 2017, ku disa prej ministrave të Bashës, mund të thuhet se mund të jenë më efektivë se disa prej anonimëve dhe të paaftëve të Ramës.

Një PD që po pret ti vijë pushteti, duke shpresuar që PS do të bjerë nën 70 mandate. Me një LSI sa më të dobët për të mos pasur problem të forta në parlament, me një mazhorancë të re që bashkon të dyja polet e politikës, me stilin e bashkëqeverisjes në Gjermani, apo edhe në Kosovë, ku të mëdhenjtë bëjnë qeverinë në emër të së ardhmes.

Ndërsa në Shqipëri i vetmi fakt është se ky do jetë një koalicion edhe më i neveritshëm në qëllimin e tij, sepse në fund qëllimi duket të jetë mbijetesa e Ramës dhe e Bashës.

Kreu i qeverisë, ikën po humbi dhe po nuk siguroi mbi 70 mandate. Edhe Lulzim Basha vështirë të qëndrojë në krye të PD-së, po nuk siguroi një fitore nga ato që shpall shpesh, por edhe pse mund të marë ndoshta edhe më pak se 70 mandate, fitorja është një bashkëqeverisje e mundshme me Ramën.

Në PD nuk ka më kush ta kundërshtojë. Ata që i kanë mbetur vërdallë, pop resin të kapin thelat e pushtetit.

Në finale do kemi një bashkëqeverisje që mund të shkojë edhe përtej një mandati me Ramën që me çdo kusht kërkon edhe 4 vite të tjera qeverisje, dhe Lulin që kërkon të ruajë karrigen e kryetarit të PD. Të dy në fakt nuk do bëjnë asgjë më shumë apo më pak, sesa ruajtja e kokave të njëri-tjetrit./ CNA.al