E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

“Goditja më e madhe që i bëhet demokracisë shqiptare”/ Topalli tregon lojën hileqare të Ramës dhe Bashës

23 Shtator 2020, 08:36, Politikë CNA

Ish kryeparlamentarja Jozefina Topalli tregon dy arsyet pse heshtin të gjithë për pragun elektoral.

Sipas saj, pragu elektoral i dyfishtë është përpjekje e shëmtuar kundër vullnetit të qyetatëve që duan ndryshimin
Më tej ajo sqaron se heshtja e opozitës ndaj propozimit të Ramës për prag shtesë, konfirmon marrëveshjet e fshehta me qellim ruajtjen e karrigeve ta kryetarave.

?Ndryshimi i sistemit elektiral nuk është gje e keqe në vetvete.- ai mund të përmirësohet- por është e dëmshme kur ndryshon vetëm pak muaj para zgjedhjeve dhe kur në përmbajtje redukton mundësinë e përfaqësimit të qytetarëve që kërkojnë ndryshim. Në çdo sistem elektoral pragu është kyq. Është një ndër tre elementet që konsiderohet faktor vendimtar në kushtet elektorale, ndaj të cilit duhet treguar vemendje në mënyrë që të evitojë manipulimin në favor të partive që kanë bërë monopol jetën politike?, shkruan Topalli në një postim në rrjetet sociale.

Më tej ajo thekson se sistemi me prag të dyfishtë është i mirë për tre kryetarët e partive, por është i keq për parlamentin dhe demokracinë.

Sipas Topallit, pragu i ri i propozuar nga PS në dakordësi me Kryetarin e opozitës përmes heshtjes se turpshme është goditja më e madhe që i bëhet demokracisë shqiptare me ligj.

?Llogaritë politike të kryetarëve e bënë pragun axhendë personale të tyre duke bërë një prapaktheu të rëndë. Pragu elektoral është një ndër mekanizmat bazë për përjashtimin e përfaqësimit në parlament të votuesve që janë kundra skenës së vjetër politike. Ne kemi një sistem elektoral rajonal i cili ka një prag informal rajonal. Vendosja me ligj e një pragu të dyte elektoral kombëtar është mbyllje hermetike e sistemit të vjeter të kryetareve; Pragu i ri i propozuar nga PS ne dakordësi me Kryetarin e opozitës përmes heshtjes së turpshme është goditja më e madhe që i bëhet demokracisë shqiptare me ligj. Ky rast bie në kundërshtim me praktikat e mira të Komisionit të Venecias sikurse edhe me vendimet e Gjykatës së Strasburgut, që për një çështje të tillë ka vendosur ..? që pragu elektoral nuk mund të ndryshohet në një vend pa Institucione të konsoliduara.. dmth pa Gjykate Kushtetuese?. Të kesh sistem proporcional rajonal me pragun përkatës si Spanja e t? i shtosh një prag tjetër nacional , dmth ta bësh me dy pragje të çon drejt modeleve të Lukashenkos, që mbretëron prej 30 vitesh.
Pragu dyfish i propozuar është paradhoma e cimentimit të një sistemi autokratik, kundra interesit të qytetareve dhe kundra ndryshimit të mundshem?, shkruan më tej Topalli.

Ish kryeparlamentajtja nënvizon se heshtja e Lulzim Bashës për propozimin e vendosjes së pragut të dyfishte nga Rama është konfirmim tjetër i lojës hileqare të tyre , sikurse është konfirmim i marrëveshjeve të fshehta në kalkulim të politikave personale e karrigave të tyre dhe kundra interesit të qytetarëve!/CNA.al