web counter
LEXO PA REKLAMA!

SHKARKO APP

App Store
Google Play

“Covid-19 po prek moshat e reja”/ Mjeku shqiptar në SHBA: Ja pasojat që lë në tru

19 Shtator 2020, 11:36, Politikë CNA

Neurokirurgu shqiptar në spitalin e Filadelfias, Gentian Toshkezi, ka folur sot lidhur me situatën e krijuar nga pandemia e koronavirusit.

Në një lidhje me ?Skype? në News24 , mjeku theksoi se situata në Filadelfia paraqitet më e qetë se në muajt e parë të pandemisë, dhe sipas tij, po shkohet drejt një normaliteti.

?Ka pasur një rënie të rasteve me koronavirus dhe kemi pasur një status quo të pacientëve, duke qenë në një situatë më të favorshme se muajt më parë, ku ishim në një situatë paniku. Aktualisht ne kemi hapur spitalet për veprimtaritë normale. Po shohim një rikthim të situatës jo plotësisht në normalitet, por duke krijuar një përçapje drejt rikthimit të situatës që kishim para koronavirusit. Pandemia krijoi probleme madhore për sistemin shëndetësor në të gjithë botën. Në Amerikë pati probleme të mëdha dhe nxori në pah mangësitë që kishte sistemi?, tha neurologu.

I pyetur mbi rezultatet e studimeve të fundit se ?koronavirusi godet fort trurin dhe lë pasoja?, neurologu shqiptar sqaroi se ?Covid paraqitet me probleme të sistemit nervor. Dy simptoma që do të përmendja janë humbja e nuhatjes dhe shijes. Natyrisht që truri është prekur në këtë moment. Ne jemi grupi i parë në Amerikë që vumë re një prekje të sistemit nervor me komplikacione serioze nga virusi, si infarkte të trurit.

Studimet janë përqendruar për të parë pse ndodh ky dëmtim i sistemit nervor dhe pritet që të dalin rezultatet. Virusi e prek sistemin nervor, duke shkaktuar jo vetëm mos furnizim me oksigjen dhe gjak të trurit, por edhe inflamacion?, u shpreh ai.





Lajmet e fundit nga