web counter
LEXO PA REKLAMA!

SHKARKO APP

App Store
Google Play

E trishtë/ Ndahet nga jeta ish ministri i Shëndetësisë

13 Shtator 2020, 06:08, Sociale CNA

Ndahet nga jeta në moshën 78-vjeçare profesor Sabit Brokaj. Mësohet se profesor Brokaj ka ndërruar jetë pas një ataku kardiak.

Brokaj lindi në 7 janar 1942, në Vlorë. Nga viti 1959 deri në vitin 1964, Brokaj shërbeu si ndihmës mjekësor në një nëndetëse. Ai ka një karrierë të gjatë si mjek por edhe në politikën shqiptare.

Pas diplomimit në fakultetin mjekësor të Universitetit të Tiranës në 1969, Brokaj vazhdoi të shërbente si shef mjekësor i një brigade në Shijak nga 1969 deri në 1972.

Nga 1972 në 1984, Brokaj punoi si kardiolog në spitalin ushtarak në Tiranë . Ai udhëtoi në Francë për të studiuar kardiologji në 1979 dhe ekokardiologjinë vitin 1982. Gjatë kësaj periudhe, Brokaj ishte një nga mjekët personalë të Enver Hoxhës.

Brokaj hyri në politikën shqiptare pas rënies së diktaturës komuniste, duke u rreshtuar pranë Partisë Socialiste. Fillimisht, shërbeu si Ministër i Shëndetësisë nga shkurti deri në Dhjetor 1991. Ai u zgjodh Deputet i Asamblesë Popullore në 1991, 1996 dhe 1997. Më 25 korrik 1997, Brokaj u emërua Ministër i Mbrojtjes, post që e ka mbajtur deri në vitin 1999./CNA.al





Lajmet e fundit nga