E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Bojkoti masë e duhur", Olsi Rama i bën "opozitë" kryeministrit: Ligjet që i kemi kërkuar qeverisë janë të rëndësishme për sportin

11 Shtator 2020, 10:24, Sport CNA

Drejtori i Partizanit, Olsi Rama ka folur për shtyrjen e kampionatit dhe kërkesat e Ligës Profesioniste drejtuar Qeverisë shqiptare, që kryesohet nga vëllai i drejtorit të Partizanit. Për Euronews Albania, Olsi Rama u shpreh se bojkoti dhe shtyja e sezonit është një masë ekstreme, ndërsa shpjegon se unifikimi i vendimit nga klubet duhet të dëgjohet.

?Është e vërtetë që bojkoti është sigurisht një masë ekstreme them unë në këtë moment, por deri sa klubet e panë të nevojshëm ta bënin këtë, që të dëgjoheshin dhe që kishte një unanimitet në vendimmarrje, them që ka qenë masa e duhur?, tha Rama.

Drejtori i Partizanit shpjegoi edhe ligjet që kërkohen, duke marrë shembull Kosovën, që sipas tij po konkurron dukshëm futbollin shqiptar.

?Mund të jap shembullin e Kosovës, që është një vend që ka aplikuar një ligj favorizues për zhvillimin e sportin. Po shohim që dita ditës klubet kosovare po konkurrojnë me superligën shqiptare, duke tërhequr edhe futbollistë cilësorë. Paketa e ndihmës, ose paketa e favorizimeve fiskale ka ndikuar pozitivisht në zhvillimin e futbollit në Kosovës. Komuniteti i sportit ka bërë kërkesa, sepse është ndjerë një nevojë për një hap cilësor të sportit, dhe legjislacioni aktual nuk është favorizues sidomos për bizneset që duan të investojnë në sport.

Për arsye, sepse deri tani sporti nuk është një produkt aq i shitshëm. Per ta bërë këtë, duhet që bizneset të ndihmohen me favorizime fiskale. Duhet patjetër ndihmesa fiskale. Me e rëndësishme nga të gjitha është pjesa e ligjit të sponsorizimit, që bizneset të hyjnë në futboll dhe të rrisin investimet. Të gjitha janë të rëndësishme. Unë personalisht nuk jam dakord për faljen e gjobave, sepse Partizani ka qenë një klub shembull dhe ne kemi paguar në mënyrë të rregullt të gjitha tatimet?, theksoi Olsi Rama.