web counter
LEXO PA REKLAMA!

SHKARKO APP

App Store
Google Play

E infektuar me Covid-19/ Zamira Kita flet për herë të parë dhe jep mesazhin: Mos neglizhoni shenjat

8 Shtator 2020, 13:17, Sociale CNA

Aktorja e njohur korçare, Zamira Kita ka treguar më shumë detaje rreth simptomave që ka përjetuar pasi është infektuar me Covid-19. Në një lidhje direkte me Skype, për Neës 24 ajo ka treguar se tashmë kanë kaluar 12 ditë nga dita që është infektuar së bashku me bashkëshortin.

Ajo ka rrëfyer se kishte patur shenja të lehta ndryshe nga bashkëshorti i saj, i cili kishte patur temperaturë deri në 40 gradë  dhe  kishte patur më shumë vështirësi pasi ishte dhe diabetik.

?Sot e kam ditën e 12. Kam ndjerë temperaturë të lehtë të shtunën e kaluar, kam qenë në plazh. Fillova të pi azotromicinë që aty. Edhe bashkëshorti ishte për disa ditë me kollë por nuk ia kisha vënë veshin, se kuptuam. Ndaj dua të them që nuk duhen neglizhuar të gjitha shenjat. U kthyem nga plazhi, bëra tampon, rezultova pozitive ndërsa bashkëshorti rezultoi negativ por i kishte zbritur poshtë në mushkëri dhe ia tregoi skaneri që ishte me covid. Ndërsa unë mushkërinë e kisha të pastër. Bashkëshorti kishte më shumë vështirësi se unë, i shkoi deri në 40 gradë temperatura, duke qenë se është edhe diabetik e dërguam drejt spitalit në Tiranë?, është shprehur aktorja Zamira Kita./ CNA.al





Lajmet e fundit nga