web counter
LEXO PA REKLAMA!

SHKARKO APP

App Store
Google Play

E fundit!

x

Në konflikt interesi/ Ambasada holandeze i jep projektin e monitorimit të reformës në drejtësi, Gent Ibrahimit

2 Shtator 2020, 20:18, Politikë CNA

?Sytë te drejtësia ? Monitorimi i Reformës në Drejtësi në Shqipëri? titullohet një projekt i Ambasadës Holandeze në Shqipëri, që i është besuar firmës IPLS (Institute for Policy & Legal Studies) e që do financohet nga programi MATRA 2020.

Siç thuhet në shënimin e ambasadës, ky projekt ka për qëllim monitorimin e reformës në drejtësi dhe ka si objekt institucionet e drejtësisë siç janë Ministria e Drejtësisë, Këshilli i Lartë Gjyqësor, Këshilli i Lartë i Prokurorisë, Inspektoriati i Lartë i Drejtësisë, Gjykata e Lartë e Shkolla e Magjistraturës.
Marrëveshja mes palëve është nënshkruar nga ambasadorja Guusje Korthalt Altes dhe drejtoresha ekzekutive e IPLS-së, Lidra Elezi.

Deri këtu çdo gjë është në rregull por, historia ndërlikohet kur aty del emri i kreut të Këshillit të Lartë të Prokurorisë, Gent Ibrahimi, i cili sipas shënimit të bërë prej tij rezulton të jetë drejtor ekzekutiv i IPLS-së.

Në profilin e tij në Linkedin rezulton se Ibrahimi është drejtori ekzekutiv i kompanisë IPLS-së që prej vitit 2014, së cilës i është besuar projekti i ambasadës holandeze për monitorimin e reformës në drejtësi në Shqipëri.

Siç duket ambasada holandeze i ka dhënë projektin e mbikëqyrjes së reformës në drejtësi dhe institucioneve të drejtësisë, mes të cilave edhe KLP-në, një firme të kontrolluar nga shefi i KLP-së, Gent Ibrahimi, e gjithë kjo në konflikt interesi.





Lajmet e fundit nga