web counter
LEXO PA REKLAMA!

SHKARKO APP

App Store
Google Play

Luhet sonte Superkupa e Shqipërisë, ja kush do jetë arbitër i ndeshjes

31 Gusht 2020, 07:39, Sport CNA

Superkupa e Shqipërisë, për fat të keq, po shndërrohet në një trofe gjithnjë e me më pak vlerë. Dhe kur themi vlerë, nuk i referohemi vetëm faktit që klubet nuk përfitojnë asnjë kacidhe, por edhe mënyrës se si është trajtuar vitet e fundit. Pa asnjë risi, ndërkohë që vendet fqinje e transferojnë edhe në Kinë apo Arabi vetëm për marketing, bileta etj.

Punë tjetër dhe standarde të tjera ato? Po në Shqipëri? A mund të luhej kjo ndeshje në tetor, në dhjetor ose në janar? Atëherë, pra, kur edhe një pjesë e tifozëve të jenë kthyer në stadiume. A mund t?i shmangej Tiranës dhe Teutës një ndeshje shtesë, ndërkohë që sapo kanë nisur aventurën europiane dhe presin kundërshtarët për turin tjetër? Janë disa pyetje që zyrtarët e FSHF-së, së bashku me klubet duhej t?ua kishin dhënë përgjigjen me kohë.

Të luash më 31 gusht Superkupën e Shqipërisë në kohë pandemie, nuk duket një gjetje e zgjuar. Ta luash në stadium bosh një finale që nuk ofron asnjë shpërblim, por ka vetëm simbolikën e një trofeu, duket luks i tepërt për dy ekipe që sytë i kanë nga shorti i Ligës së Europës?

GJYQTARËT DHE AXHENDA- Superkupa e Shqipërisë do të gjykohet nga gjashtë gjyqtarë të FIFA-s. Kështu, në orën 20:00 në ?Elbasan Arena? kryesor do të jetë Enea Jorgji.

Anësorë do të jenë Denis Rexha dhe Rejdi Avdo. Gjyqtar i katërt është parashikuar Dojando Myftari. Gjyqtarë linje do të jenë dy kryesorët e tjerë të FIFA-s, Juxhin Xhaja dhe Eldorian Hamiti. Takimi do të transmetohet nga televizioni ?Klan Plus?.





Lajmet e fundit nga