web counter
LEXO PA REKLAMA!

SHKARKO APP

App Store
Google Play

Lëvizje te Skënderbeu, gati firma për Qaqin dhe Ditmar Bicajn

31 Gusht 2020, 06:41, Sport CNA

Pas 4 futbollistëve në provë, Skënderbeu fillon që të bëjë lëvizjet e vërteta në merkato. Koha nuk premton më, ndaj drejtuesit po nxitojnë për të ndërtuar ekipin për sezonin e ri futbollistik. Përforcimet do të nisin nga qendra e mbrojtjes dhe Julian Ahmataj pret që t?i shtojë jo vetëm cilësi grupit, por mbi të gjitha eksperiencë.

Në skenë kanë dalë emrat e Harallamb Qaqit dhe Ditmar Bicajt. Nuk bëhet fjalë për dëshira, por shumë më shumë se kaq. Bisedimet e para kanë nisur dhe në ditët e ardhshme ndoshta mund të ketë edhe zyrtarizime. I pari është gati të rikthehet në kampionatin tonë pas një aventure të përfunduar në Qipro tashmë. Ish-lojtari i Laçit është kontaktuar nga korçarët dhe duket se do të jetë afrimi i parë zyrtar i bardhekuqve për sezonin e ri.

I dyti që pas ?divorcit? me polemika nga Bylisi (që nga marsi), pritet që të jetë rikthimi i madh në Korçë. Marrëdhëniet e mira që lezhjani ka me presidencën dhe tifozërinë, e bëjnë të mundshme arritjen e një marrëveshjeje të shpejtë. Mbrojtësi është takuar dje me Ardjan Takajn dhe akordi është gjithnjë e më pranë.

Nën urdhrat e stafit teknik janë vënë 4 lojtarë të rinj gjatë përgatitjeve të verës. Dy të fundit që i janë bashkuar janë Alban Bunjaku dhe Aleksi Terziu, që iu shtuan Altin Govorin dhe Joan Çelës. Në ndryshim nga i pari, 4 të tjerët janë duke iu nënshtruar provës. Nëse trajneri do të bindet, mund të flitet për firmë.

E megjithatë, formalitetet janë të lidhura ngushtë me merkaton që vazhdon të jetë e bllokuar. Sakaq, Silvestër Shkalla largohet nga bardhekuqtë. Mbrojtësi kishte ditë që stërvitej, por përfundimisht nuk ka arritur akordin dhe ka ikur./Panorama Sport





Lajmet e fundit nga