web counter
LEXO PA REKLAMA!

SHKARKO APP

App Store
Google Play

Analiza e Ard Memës: Tirana mund të guxonte më shumë ndaj Zvezdës

30 Gusht 2020, 20:40, Sport CNA

Ish-trajneri i Tiranës, Ardian Mema, ka analizuar në studion e ?Rubrika Sportive? paraqitjet e bardhebluve në Europë dhe ka theksuar se ndaj Crvena Zvezdës, ekipi mund të kishte synuar diçka më shumë, edhe pse bëri një paraqitje shumë pozitive.

?Tirana ka kohë që ka krijuar fizionominë e vet si skuadër, në kampionat. Keqardhje si doli nga Champions duke luajtur si e barabartë, nuk po them më e mire. Fati e dënoi, si e ka ndihmuar më parë, është pjesë e lojës. Po të kishte shfrytëzuar mundësitë që pati mund të ishte kualifikuar. Tirana nuk është se do të ketë skuadra më të forta se Crvena në turin e ardhshëm.

Nuk më pëlqejnë fjalët si aventura e fati, gjëra të kësaj natyre, se në futboll duhet të punosh. Tirana nuk ka bërë aventurë, ka qenë po e njëjta Tiranë që ka qenë në kampionat.

Tirana në fillim të ndeshjes ndaj Crvena Zvezdës ka qenë në pritje, pastaj ishte lojë e ekuilbruar, jo si në kampionat ku ka qenë më agresive në sulm. Ta dikton edhe fakti që duke qenë një ndeshje të ndikon të mos pësosh gol. Ndaj Crvena Zvezdës loja ishte e barabartë, duke ruajtur ekuilibrat të dy ekipet. Me kalimin e kohës Tirana e lexoi veten dhe e kuptio pse të mos e godiste kundërshtarin se e ka këtë forcë, mund të shkonte në portë. Ndaj erdhën rastet, nuk ishin rastësi, por si pasojë e një loje që Tirana e ka, e ka krijuar fizionominë e vet.

Ndaj Zvezdës të them të drejtën, duhej të ishte pak më agresive kur e kuptoi që mund të shënonte, pati më shumë raste. Ndoshta mund ta kapte rezultatin se edhe kundërshtari ra psikolgjikisht.

Ndërrimet? Jam kritikuar kur kam folur më parë për to. Për Kobinën mendoj që ai ishte lojtari që po dilte te porta, nuk është se bëri lojë, ndoshta edhe unë mund ta kisha ndërruar. Por në ato momente po sulmonte e mund të punonte me të. Nuk është se punon shumë gjatë lojës por vijnë ato momente e mund t?I shfrytëzojë?, tha Mema.





Lajmet e fundit nga