web counter
LEXO PA REKLAMA!

SHKARKO APP

App Store
Google Play

E fundit!

x

“Greqia do zgjerohet me 12 milje”/ Mitsotakis: Shqipëria është në dijeni, Dendias do shkojë në Tiranë

26 Gusht 2020, 11:53, Kosova & Bota CNA

Kryeministri i Greqisë Kyriakos Mitsotakis, deklaroi sot se zona bregdetare e shtetit fqinj do të zgjatet në perëndim nga gjashtë deri në 12 milje detare.

Ai tha se do të paraqesë në Parlament një projekt-ligj përkatës, pasi pretendon se kjo lëvizje është ushtrim i një prej të drejtave të padiskutueshme sovrane, sipas nenit 3 të Konventës ?për Ligjin e Detit?.

“Greqia do të zgjasë zonën bregdetare në lindje nga gjashtë në 12 milje. Greqia po rritet. Të tjerët kanë thënë kështu. Por ne jemi ata që e përdorim atë në praktikë”, theksoi kryeministri grek.

Mitsotakis deklaroi se shtrirja do të bëhet ne zonën e Ishujve në detin Jon deri në Cape Tainaro në Peloponez. Ai tha se Italia dhe Shqipëria tashmë janë informuar nga Ministri i Punëve të Jashtme Nikos Dendias.

Mitsotakis theksoi se Nikos Dendias së shpejti do të vizitojë Tiranën për të diskutuar me qeverinë shqiptare zgjidhjen përfundimtare të zonave të detit.

?Vendi ynë rezervon të drejtën të ushtrojë zgjerimin e zonës bregdetare në zonat e tjera të detit. Një e drejtë të cilën vendi ynë e rezervon ta ushtrojë në të ardhmen në zona të tjera detare dhe që tashmë është ushtruar nga fqinjët tanë, në lidhje me Konventën për Ligjin e Detit dhe zbatimin e linjës së mesme ku distanca midis brigjeve është më pak se 24 milje”, nënvizoi kryeministri i Greqisë./ CNA.al





Lajmet e fundit nga