web counter
LEXO PA REKLAMA!

SHKARKO APP

App Store
Google Play

E fundit!

x

Marrëdhëniet Greqi-Turqi/ Gjermania mesazh të fortë: Shkëndija më e vogël mund të çojë në një katastrofë

25 Gusht 2020, 20:00, Kosova & Bota CNA

Gjermania ka dalë me një deklaratë të fortë në lidhje me marrëdhëniet mes shtetit helen dhe atij turk, përmes ministrit të Jashtëm, Heiko Maas.

Heiko Maas ka zhvilluar sot një vizitë në Greqi ku është takuar me homologun e tij Nikos Dendias dhe zyrtarë të tjerë të qeverisë greke. Ai është treguar i drejtpërdrejtë në deklaratat e tij, kur ka thënë se Gjermania dhe Bashkimi Europian qëndrojnë në anën e Greqisë.
?Qëllimi kryesor i vizitës time, dhe me këtë nuk zbuloj ndonjë sekret, është situata e tensionuar në Mesdheun Lindor. Përshkallëzimi i situatës ka shkaktuar shqetësime të mëdha për ne, anëtarët e tjerë të BE-së dhe NATO-s. Unë do të vazhdoj udhëtimin tim për në Ankara për të vazhduar bisedimet për Mesdheun Lindor. Jam sot këtu me dy mesazhe. E para, Gjermania dhe BE qëndrojnë fort në anën e Greqisë. Dhe mesazhi i dytë është se ajo që nevojitet tani është vullneti për dialog mes palëve?.

Kryediplomati gjermane i ka dërguar një mesazh të qartë Turqisë, që një incident sado i vogël mund të shkaktojë katastrofë mes dy vendeve.

Ai tha se një tensionim i mëtejshëm do të sillte një panoramë të papërshtatshme për shekullin e XXI dhe se Gjermania do të bënte gjithçka për ta parandaluar teksa ka zbuluar se vendi i tij do të ndërmarrë hapa konkret për dialog mes palëve.

?Situata në Mesdheun Lindor është si të luash me zjarrin. Shkëndija më e vogël mund të çojë në një katastrofë. Ne do të bëjmë gjithçka që mundemi për të mos lejuar që kjo të ndodhë. Është një pamje e paimagjinueshme që nuk i përshtatet shekullit XXI?./CNA.al





Lajmet e fundit nga