E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Agron Gjekmarkajn e zë amnezia/ Një kritik në prehërin e Lulit, mëshirojeni

24 Gusht 2020, 15:17, Opinione CNA

Një karrige deputeti, një kandidim çfarë nuk të bën. Të humbet mendjen, të bën me amnezi thotë shoku Mitro Çela në haberet e tij dhe flet si komunist i vjetër dhe demokrat i orëve të para.

Shokun Mitro, amnezia e zuri kur u bë deputet, por u shërua shpejt dhe u vazhdoi me dinjitet jetën dhe aktivitetin e tij publik.

Sot ka dhe kolegë të shokut Mitro më të rinj në moshë që i ka kapur e njëjta ?sëmundje?, por ende pa marrë mandat deputeti dhe gjithçka e bëjnë që të kenë një vend të sigurt në lista.

Agron Gjekmarkaj një nga emrat e fortë dhe kritikë të ashpër të Lulzim Bashës, një emër që dje e akuzonte kreun e Republikës së Re si të paaftë, dështak, peng i kunatit, i pavlerë, i papjekur etj, fakte që i gjen në shkrimet e tij, ku Luli bëhet copash.

Tani ka ndryshuar pak koha, PD po përzgjedh kandidatë, Agroni do vend të sigurt në listë, por bën edhe sikur nuk do e nuk pret asgjë. Nga njëra anë kërkon ta propozojnë, nga ana tjetër nuk pranon të mbushë formularin, vendin e do të sigurt edhe pse listat janë të hapura, nga ana tjetër kërkon ftesë publike nga Basha i kunatit, dhe e do publike se është ?kokë e madhe?.

E shikon që s?po ja del dot dhe ç?të bëjë i shkreti Agron, ja fut sot një lëpirje Lulit tek Panorama sa kur e lexon shkrimin thua se e ka shkruar vetë kunati apo Odeta e biznesit, kaq keq ishte bërë Gjekmarkaj nga halli a do e ftojnë? A do e kandidojnë?

Hall të madh ka, ska faj, do një mandat deputeti e ka ndarë mendjen.

Kur u bë deputete Vali Duka së dyti mos bëhet Agroni, por asgjë nuk është e sigurt dhe ai nis e shkruan budallëqe pafund si psh: ?Procesi që ka filluar PD-ja për të seleksionuar kandidaturat për deputetë nëpërmjet një komisioni me autoritet vendimmarrës është një risi absolute në terrenin e politikes shqiptare. Në vetvete është një ushtrim i parë i demokracisë që meriton respekt, në kohën kur të gjithë kërkojmë rregulla e cilësi brenda partive politike?.

Dikush duhet t?i thotë Agronit se nuk ka asnjë risi përkundrazi është dhe antitatutore, pa folur me pas që janë propozuar 4 mijë kandidatë dhe Luli me komisionin e tij do lenë nja 300 t?i votojnë në bazë, kuptohet do fitojnë ata që do Basha dhe kunati, sepse vendet i kanë zënë me urdhër me listat e 2017 dhe shumica e saj do përsëritet, me ndonjë ndryshim të vogël. Tenderi i vendeve në lista është hapur, zyra është diku tek Sheratoni, aty ku ishte në 2017-ën.

Gjekmarkaj shkon më tej ka guxim të thotë ?Produkti që ata do të nxjerrin me siguri do të jetë i paqortueshëm , normal, i rregullt, pa lidhje me krimin dhe CV të mirë, por të gjitha ato propozime janë nga baza e Partisë Demokratike. Basha ka nevojë t?i hedhë sytë pak më gjerë, teksa këqyr horizontin e pushtetit. Atij i duhen edhe personazhe e personalitete që negociojnë me pjesën gri të elektoratit, një kombinim emrash elitarë nga brenda e jashtë vendit, një ?organizatë? e re ndërmjetësuese që iu flet grupeve, shtresave dhe individëve me gjuhën që ata pranojnë?. Agroni i lutet publikisht Lulit ta shohë, mos ta lejë në dorë të komisionit, ta ftojë, ta kandidojë, sepse nuk mund të shkojë në horizontin e pushtetit pa një Agron tjetër që është ?kokë më e madhe? sa ajo e Shehajt. Sa për proces normal dhe të rregullt s?ka hiç sepse s?ka pasur hiç kritere dhe në vetvete është një lojë që Luli Basha, të shpëtojë nga akuzat që do vijnë pas një liste që po bën më shumë të pakënaqur dhe po krijon përplasje edhe më të mëdha se në 2017.

Pas këtij shkrimi të fundit të Agronit që e ka zënë amnezia pa u kandiduar, Luli duhet të ndërhyjë dhe mos na lejojë më të lexojmë të tilla ?lajthitje?. Ka një zgjidhje Gjekmarkaj pas kësaj e meriton të kalojë komisionin Mustafaj-Ruli-Nishani edhe pa plotësuar formularin që ka merak, mjafton që Lulit ta thërrasë publikisht.

Se ka ndodhur diçka e pabesueshme, e shau shumë Lulin dje, sot që e ka zënë amnezia po shkruan sa bukur sa. Kjo duhet të shihet si një mrekulli për të cilën askush nuk di gjë si Goni pa pritur dhe pa kujtuar u ul në prehërin e Bashës të kunatit./ CNA.al