E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Refik Halili ngre peshë bardheblutë: Tirana kualifikohet në Gjerogji

19 Gusht 2020, 07:47, Sport CNA

Refik Halili nuk ka frikë! Beson shumë te skuadra e tij në prag të sfidës me Tbilisin. Është i bindur që investimit të tij, djemtë do të dinë të bëjnë gjëra të mëdha. Në një intervistë për ?Panorama Sport?, numri një i bardhebluve foli për një merkato që nuk është mbyllur si dhe është besimplotë që ekipi do të tregojë veten në fushën e lojës.

Halili është treguar shumë i qetë dhe i kënaqur për punën që është bërë, pasi kush punon mirë, edhe shpërblehet. Jo vetëm kaq, por ai kërkon fitoren e parë në 100-vjetorin e dytë të Tiranës. Një 100-vjetor të dytë që bardheblutë duan ta nisin me lavdi siç kanë bërë në shekullin e lënë pas.

Zoti Halili, Tirana do të transferohet në Gjeorgji për të luajtur 90 minuta vendimtare në Champions.

Ashtu siç e thatë edhe ju, pas shumë vitesh luajmë në Champions League. Duhet të jemi shumë të kujdesshëm në fushën e lojës gjatë gjithë 90- minutëshit. Ndeshja është shumë e rëndësishme. Unë për vete nuk kam frikë. Edhe skuadra them se nuk ka frikë. Shkojmë të luajmë 90 minuta lojë të barabarta.

Si mund t?ia dalë Tirana që të kualifikohet në turin e dytë të Champions League?

Them se me qetësi, me kujdes dhe nën drejtimin e skuadrës dhe vetë lojtarët që kanë punuar mirë gjatë gjithë kësaj kohe them se do të ecim përpara.

Si e keni parë skuadrën gjatë javës përgatitore që bëri në Pogradec dhe si ju janë dukur blerjet e reja në ekip?

Kanë qenë pak ditë stërvitje. Koha ishte e shkurtër. Nuk kam ç?të them, sepse të tilla ishin kushtet. Është punuar mirë. E gjithë skuadra është model. Shyqyr Zotit, sapo kemi marrë edhe konfirmimin. Gëzojmë shëndet të plotë dhe nuk na shqetëson asgjë. E mira e kësaj jave ishte që kaluam pa dëmtime e siklete. Stërvitja ishte organizuar mirë nga stafi. Për sa u përket afrimeve, them se do të vazhdojmë me blerje lojtarësh të tjerë. Me këta që janë këtu, jemi shumë të kënaqur. Sigurisht nuk mund të flasim për gjendjen se si kanë ardhur, sepse dikush është më përpara e dikush më pas fizikisht. Shpresojmë që afrimet e reja të bëjnë më të mirën në këtë ndeshje dhe objektivin që ka skuadra jonë këtë sezon.

Cili është objektivi i Tiranës këtë verë, pjesëmarrja në grupet e Europa League?

Ne jemi në Champions League. Po vazhdojmë të ecim përpara në këtë rrugë sot për sot. Shpresojmë që të hedhim hapin e parë. Po përgatitemi që të bëjmë më të mirën në Kupat e Europës. Kërkojmë që të kualifikohemi. Këtë rrugë që kemi nisur do ta vazhdojmë, do të vazhdojmë të bëjmë më të mirën për skuadrën, për gjithë tifozërinë tonë. Për vazhdimësinë do të flasim në ditët në vijim.