web counter
LEXO PA REKLAMA!

SHKARKO APP

App Store
Google Play

E fundit!

x

Partizani i surprizon të gjithë, përgatit rikthimin e Mentor Mazrekajt në merkato

19 Gusht 2020, 06:50, Sport CNA

Periudhat e merkatos shoqërohen me lloj-lloj lajmesh, që në shumicën e rasteve janë të vërteta, por nuk mungojnë edhe fantazitë apo dëshirat. Partizani për momentin vijon ta ketë të bllokuar merkaton, por drejtuesit janë të sigurt se embargoja do të hiqet dhe trajneri Ilir Daja do të ketë në dispozicion lojtarët e duhur për të arritur objektivat.

Në kuadrin e zërave të merkatos, nga Kosova del në skenë emri i Mentor Mazrekajt, për të cilin thuhet se po bëhet gati për rikthim të madh në Kategorinë Superiore. ?Gazeta Olle? mëson se mesfushori me tipare sulmuese është kontaktuar nga presidenti i Partizanit, Gaz Demi, duke i ofruar lojtarit rikthimin në familjen e kuqe.

Sipas raportimit në fjalë, thuhet se 31-vjeçari po pret t?i hiqet pezullimi Partizanit për të transferuar lojtarë, në mënyrë që ai t?u bashkohet ?demave të kuq?.

Futbollisti kosovar e ka treguar talentin e tij te Partizani në periudhën 2013- 2017, por karakteri i tij jashtë fushës së blertë dhe moskapja e formës pas dëmtimit bënë që ai të largohej nga të kuqtë si dhe karriera e tij të vijë gjithnjë në ulje. Mbetet për të parë në ditët në vijim se çfarë trajektoreje do të marrë ky lajm, pasi më herët u përfol edhe për një ofertë të Laçit për ?Menqën?, i cili në Superiore ka luajtur vetëm me fanellën e kuqe.





Lajmet e fundit nga