web counter
LEXO PA REKLAMA!

SHKARKO APP

App Store
Google Play

Ndodh edhe kështu! Trajneri i Luftëtarit nuk prezantohet prej... trafikut

18 Gusht 2020, 10:13, Sport CNA

Është shtyrë me 24 orë prezantimi i Marko Jovanoviç. Edhe pse ishte njoftuar se do të prezantohej dje, trajnerit të ri i doli një pengesë rrugës: ngeci në trafik. Ai ishte nisur herët nga Serbia, e megjithatë mbërriti më vonë seç duhet në Gjirokastër.

E për pasojë, klubi ka vendosur që zyrtarizimi i tij të bëhet vetëm sot dhe pasi të hedhë firmën mbi kontratë, tekniku do të veshë ?tutat? për të nisur edhe stërvitjet. Seanca e parë do të ketë një numër të reduktuar futbollistësh në fushë.

Kur dihet që janë larguar plot 13 futbollistë, kjo ishte e pritshme. Në fushë do të zbarkojnë emra që janë nën kontartë si: Avernold Qyrani, Sadik Basha, Stiven Puçi, Ari Bellai, Muarrem Malaj, Bastri Malaj, Renato Stroka, Enes Isufi, Griseld Lika, Rigeld Zeneli, Kabir Tahiraga apo Mikel Brahilika.

Afrimi i parë në radhët e Luftëtarit quhet Selidjon Zholi. 21-vjeçari është një emër i njohur në ambientin gjirokastrit, pasi është produkt i shkollës së Luftëtarit. Mbrojtësi i krahut të majtë është aktivizuar më herët me të rinjtë, por ka luajtur edhe për Devollin dhe Butrintin.





Lajmet e fundit nga