web counter
LEXO PA REKLAMA!

SHKARKO APP

App Store
Google Play

Vrasja e 23-vjeçarit në Shkodër/ Arrestohet autori

18 Gusht 2020, 12:40, Kronika CNA

Policia ka vënë në pranga autorin e dyshuar të vrasjes së 23-vjeçarit Gledis Kraja, mbrëmjen e djeshme në Shkodër.

Mësohet se pas kontrolleve të shumta të ushtruara në bashkëpunim me FNSH dhe presionit të ushtruar nga forcat e policisë duke mbajtur në rrethim zonën ku fshihej, u bë e mundur vënia në pranga e Stjuart Smakaj. Ky i fundit dyshohet si autori i ngjarjes së mbrëmshme, ku mbeti i plagosur me armë zjarri dhe më pas humbi jetën 23-vjeçari Gledi Kraja.

Kujtojmë këtu se fillimisht u raportua se si autor i vrasjes Sebastjan Smakaj.

Po kështu policia ka sekuestruar edhe armën e zjarrit të modifikuar.

“Nga strukturat e DVP Shkodër në bashkëpunim me Prokurorinë e Rrethit Gjyqësor Shkodër, falë reagimit në kohë dhe si rezultat i veprimeve të shpejta hetimore në lidhje me ngjarjen e ndodhur mbrëmjen e datës 17.08.2020, u bë e mundur zbardhja e ngjarjes, identifikimi dhe arrestimi i autorit, shtetasit S. S., 23 vjeç, banues në lagjen ?Perash?.

Ky shtetas gjatë një konflikti të çastit ka tentuar të vrasë me armë zjarri shtetasin D. H., ku si pasojë aksidentalisht ka ngelur i plagosur rëndë shtetasi G.K., 23 vjeç banues në lagjen ?Perash?, Shkodër, i cili më pas ka ndërruar jetë në Spitalin Rajonal Shkodër.

Në cilësinë e provës materiale janë sekuestruar arma e zjarrit 18 gëzhoja të qitura nga kjo armë zjarri , automjetet të cilat janë të palëve në konflikt, si dhe vijon puna intensive për dokumentimin ligjor të kësaj ngjarjeje.

Materialet iu referuan Prokurorisë së Rrethit Gjyqësor Shkodër për veprat penale ?Vrasja me dashje, e kryer në bashkëpunim? dhe ?Mbajtja pa leje e armëve dhe municionit?.-thuhet ne njoftimin e policise.





Lajmet e fundit nga